لدغة اقارب

الجزء التاسع و العشرون

الـضـوضـاء تـخـلـق الأوهـام، الـصـمـت هـو الـذي يـجـلـب الـحـقـيـقـة.

-----

تقربت يم الباب صحت منو  وتفاجئت بصوت فاروق انا انا خويه اجيت اطمن عليج

.. سالم مموجود دوام  
فاروق من وره الباب ..  اي ادري بس والله ما قابل علي مرتي  وامس عاركتها   بس اجيت اطمن عليج واعرف الصار شنو بالضبط

بتعدت عن الباب  وخفت منه  انا ولو قفلته للباب بس اذا احد شافه راح يكولون  متواعده ويا

  ظل واكف بمكانه يحجي وبالي مو يمه اريد اوخره شلون

اخذت المس طكيت على الشباك  طكه قويه

  الشباك صاير بصفحه الثانيه  وهو طفر بعد ما سمعتله حس

بناتي اجن يركضن    وانا مرعوبه كعدت مكاني  كرفصت روحي  وظليت مصفصفه   افكر شنو الشافه مني وهيج يسوي

لا يوم مشاقيه ويا ولا ناطيته وجه  ولا الي علاقه بي انا بيتهم ما ساحكته لان علاقتي بهناء مو قويه  واروحلها رغم هيه يمنه

  عقلي ظل يصفط من يمه  لو شايفه واحد من الولد لو مرت محمد لو عمتي وهيه البارحه تكلي راح تهجمين بيت بتي 

للساعه 12 الظهر  انا كاعده وعقلي رايح بخيالاته  طفرتني دكت الباب  عبالك بگلبي تدك 

بس صوت عمتي  وينج يمصكوعه   راحت ميمي فتحت الباب الها   انا على كعدتي ما تحركت  

بيدها كيس بي لحم  خلته على السنك  

ام سالم .. عود ليش قافله الباب حضرتج ما تردينه انطب 

.. ما اريد البنات يطلعن  ، شنو هذا اللحم

ام سالم .. حصتكم  بيت ام ورده ذابحين   لا تخافين مابي سحر درابين امج ما نعرفها احنه

.. امي لو درابينها السحوره جان ما هذا وضعي

باعتلي وهزت براسها وكالت يصير خير  و طلعت

.. من وراكم منيني يجي الخير   روحه بلا رده

كمت غسلت اللحم  وسلكته ورحت صليت  وطبخت الغده    سالم يجي الساعه 2 الظهر 

  للوحده ونص معندي شي رحت سبحت ولبست شورت  اذا امس منعني عن البرموده فاليوم لبست شورت وامي ما مقصره   بالهدوم المشتريتهن الي 

   دخل  وانا زعلانه علي   حطيت الاكل  بين ما راح للحمام غسل وبدل  وهو يصلي بالدوام 

  جنت مغديه البنات واكلت وياهن    
كاعد يتغده وروحه بخشمه صاح للبنات ما اجن      هنه شبعانات وهم بدن يخافن منه لان يضربني   بينما مدللهن دلال نهار كله على گلبه غير الولد   الطاير بي