أچَـيـك بـلـهـفـتـي الـتـجـوي
ودفـيت بـنـدم جـيــتـي
--------------
تعارك هو وعلي ليش يرد عليها وما يحترمها و وكف على راسي انتي بناتج كلهن ما يبين بعينهن
ومرتي تركض نهار كله ما محصله منكم بس الحجي واذا ظليتو هيج اخذها واطلع
وهاي وصار يومين على السفره ما يكعد يمنه زعلان
.. حسبنا الله ونعم الوكيل بله هسه واحد شيحجي شيكول والله يسلمه علي ولا يعوفها ختولي احكرها ابد ماكو
بدره .. مللني شوفي انا ما يسمعني ولا ياخذ حجايتي حاجي انتي عسا يسمع منج هو يستحي منج
.. يوو مليت واحجي واكله لا تخسر اخوك بسبب حجي النسوان يكلي هو اخوي بايعني انوب صدك شنو هاي سمعت تارك الورشه ليش
بدره .. تنهدت وجرتها حسره ، ظل ما ينطي تعبه يكله تصرفهن بخرابيطك وراحت سوتله سلفه وخلته يشيل روحه ويطكها بالكاع
بطل وعاف الورشه وهاي مكابلني ويدحر بگلبي وشابع زهيره كتل
.. بعد ما عوده على الفلس بجيبه ويطب ويطلع وجاب الدراجه البطح ويفرفر بيها هسه يريد يحرمه من الفلوس
رحت بصفنه وانا اشوف وضع اخوي ما يسر لا عدو ولا صديق من هو طفل دللو ولعب بالفلوس لعب من صفحه فلوس ومن صفحه دلال ومن صفحه كتل عبد اليسر الي بلا قانون
الولد طلع عباره عن خراب وجريئ حيل وما يخاف من شي
سبع وكفو وينتخي بس للاسف للموزين
وصدك شويه ودخل
علي .. حليمه السعديه عندنا يا مرحبا يا مرحبا
.. والله وزين تعرف حليمه السعديه واسكت لا تورطنه ويا مرضعت الرسول
(اللهم صل على محمد وال محمد )
علي .. دخيل الحمزه
تقرب يمي باس راسي وكعد
سكينه وينها لا تكولين تحجي ويا خطيبها
.. اي بالاستقبال جاي تخابر
علي .. الحجي بينه انتي مقتنعه بي كخطيب
هنا صدك ضحكني هو كلامه ما ينعرف صدكه من جذبه لو الجد من الشقا
.. شبي صايم مصلي ولك لا تدخل بخطيه العالم
علي .. يوو العندنه هم مصلي وصايم يمعووده
.. لا تاخذني بالحجي وين جنت بهالظهاري
علي .. بالجامع وانتي ما محلفتني
.. علي ويهك مال جامع انت صدك كول وين جنت الله عليك
علي .. سلام الله على الله جنت بالجامع وهسه اتفقنه نروح للخطوه ومناك نزور ونندعيلكم يلا اودعناك وصيحي بتج انا لو سالم خطيبي اترمل
أنت تقرأ
لدغة اقارب
Açãoيوكولون الماله حض ويا اهله لا يتعب روحه ويدور ويا الغريب وهاي انا من فتحت عيني وشفت الدنيا ما شفت بس عقارب محاوطتني اليوم احجيلكم عني انا حليمه بنت فخريه الي ما مر عليه غير الحنظل .....
