لدغة اقارب

الجزء الثامن والعشرون

  سـتـظـل تـكـرر نـفـس أخـطـاءك فـي الـحـيـاة إذا لـم تتعلم مـنـهـا

-----

  المن الاستقبال هيه فارغه

كعد  على الدرج صاح بمينا جيبي ماي  وانا واكفه انتضره  يحجي شنو المن عازم منو اريد افتهم

شرب ماي وباوعلي   بوجه جامد  واخيرا رد عليه

سالم .. خالد راح يعزل  ويريد يبني وياخذ غرفت اهلي  القديمه  لهذا  عدهم تفليش وامي هم راح توسع غرفتها

كل ظني  راح يسوي للعمال مثلا ياكلون بيها هو يحجي وانا هيج فكرت ببالي يلا معزوله مو يمي لان منها وللقطعه  احنه ما مسيجين بيتنه  مفتوح عليهم   لكن ظني جان غلط وهبطت من كال امي وابوي راح يكعدون بيها هالفتره   

وراح تمدد

  جريت نفس وذبيته ما صدكت خلصت منها راح اتكابلني وتكعد  

ما كلت باطل رحت  غسلتها  ونشفتها اجو  شدو بيها سبلت والبنات فرشنها

  الكليدور الي يفصل بين  باب الهول و الاستقبال   لغيته سديت باب الهول وخليت المجمده علي  يعني ما ينفتح بعد  وطبعا هالحجي ما عجب سالم   

سالم .. ليش يعني سديتي هالباب   شمعنه

.. حتي ميرحن البنات يمهم وهم اخاف يطب خالد محمد انا اريد اخذ راحتي سالم  باب ينسي مفتوح عليما

سالم .. بس لهذا السبب بعني ماكو شي

..  درت وجهي علي بعصبيه  وحجيت بنتر  .. شي مثل شنو سالم

لزمني من شعري  وجرني حيل  .. ديري بالج تكلميني بهذا الاسلوب   دفعني وكمل والله انتي اعرف شي مثل شنو 

عافني وراح   غمضت عيوني متمنيه كل الي صار ماصار   هذا سالم الي جان ميقبل الهوى يمر عليه

رحت اتصلت بامي  وسولفتلها سكتت لفتره وردت 
// سكينه رجلج دخل الشك الگلبه  حاولي تثبتين العكس يا يمه دام حطالج بيت وساحبلج نت وتليفون بيدج معناتها اكو امل وبالنسبه الامه زين سويتي سديتي الباب

//.. اي يما ما اريد دخلتها عليه بس تحجي وتدور  وتمشي وتصيح البيت يشيل عائلتين

كل عاده امي ختمتها تهون وتتعودون وكعدي وسكتي كضي بيتج محد الج  ما لحيت عليها منا مشاكل بيت جدي وهوستهم كايمه ومنا محتاره شلون تكمل البيت لان باعت الشقه باثاثها   وصفت امي بس على الهدوم

رغم كل هذا ما قصوت وياي كل ما اروح اشوف علاكتي معزوله من برمودات وملابس نوم ومن ارقى شي

البيت تعبت بي  امي شترت غرفه البناتي   وسيف جابلي تلفزيون

حتى ابوي اجه تباركلي  ونطاني مبلغ جبير  شتريت بي تخم للهول وخالاتي ماقصرن  وخوالي شترولي ثلاجه جبيره والبيت صار شي راقي  فوك الي جنت احلم بي  بس كل هذا علي عيون بعض الناس  اخذت راحتي بلبس  
الصبغات  المكياج