لا خـلـود يُـطـفِـئ فـواجـع الـفـقـد والـفـراق
------
الاخبار الي تجي عن علي جانت حلوه بيته حلو و جبير صح مو اصولي لكن بمكان ما علي شي
ومرته جابت ولد وفرحان بي وستمر شغله بالتريله
لكن هاي الدنيا مالها صاحب فجئه سمعت بابنه مريض ويركض بي للمستشفيات
وجانت تجيني الاخبار من نوره ظليت اشاوط اببنه طفل كل عمره 6 اشهر وينه و وين المستشفيات
ومرته صغيره وبدره عدها بنته
ف مره مضطر ماخذ سلمه ويا لمستشفي الشفاء الاهلي الي بالزبير
مرته مسولفه النوره وظاله تبجي
عن لسان حنين .. دخلنه لدكتور انا ابني مبي شي نام بليل كعد الصبح يتقيئ لليل صار عنده اسهال وتخربط بسرعه بسرعه
اخذنا لمشفى ام قصر الممرضه كالت شنو جايبين طفل ميت تضحكون علينه لو تردون تبلونه
ظليت الطم وعلي اخذه وطلع بي هو يمشي وانا اركض وعيوني تصب دمع وكفنه تكسي ورجعنه للبيت
اتصل بسرعه بعبد اليسر الحكني خوويه
ابني راح يروح مني
وهم اجه يركض ظلو الليل كله يقرون علي قراان واسويله ماي تربه واشربه جر نفس للصبح بس بطنه بعدها مجرد ما طلعت الشمس
رحنه لدار الشفاء
علي .. انتي شلون ترحين طالعه طابه شعرفج
جان يحجي وياي وعيونه تدمع وكوه مقوي روحه كبالي
حنين .. معرف علي ما اعرف بس مال اكعد هنا وانتظرك ما اكدر الله يخليك اموت والله
التفت على عمتي حاطه بنتنه بحضنها وكاعده تبجي هز راسه وكال ماكو حل غير سلمه
بوقتها ما هتميت وكلت خلي تروح يمكن تفيدني صدك
فعلا مجرد اتصل بيها حضرت نفسها وراحت ويانه
بعدها عبد اليسر طلب اجازه وتبعنه
كاعدين والدكتور فحص الطفل وكال عنده جفاف شلون هيج الولد واصل للموت
رديت علي .. والله هذا وضعه علي نومت الليل لا مريض لا متخربط
ظل صافن بوجهي وكانه ما مصدكني
خلاله مغذي گلبي وجعني وانا اشوف ابني يدخلون بيده هاي الابره وطلع علي اضعف مني جرني من ايدي وطلعنه
ظلت سلمه بالغرفه
خليت راسي علي كتف علي ابجي واحجي ويا ابني خو ما يصير بي شي خو ما يتاذه وهو يصبر عليه
مع العلم منهار اكثر مني شفت عبد اليسر جاي من بعيد ستحيت وبتعدت وكفت وره علي امسح دموعي
أنت تقرأ
لدغة اقارب
Acciónيوكولون الماله حض ويا اهله لا يتعب روحه ويدور ويا الغريب وهاي انا من فتحت عيني وشفت الدنيا ما شفت بس عقارب محاوطتني اليوم احجيلكم عني انا حليمه بنت فخريه الي ما مر عليه غير الحنظل .....
