لدغة اقارب

الجزء الحادي عشر

قـد سـمـع الله حـديـثـك مـع نـفـسـك 
        وانـت تـهـون عـلـيـهـا و تـخـبـر هـا  بـان الله سـيـجـبـرهـا

------------

سكينه

من يوم وعيت على الدنيا وانا اشوف امي متعذبه  واشوف عماتي شلون يعاملنها لو يضربني بعنادها

بس انا اروح جوه الدرج ابجي  امي بس تشوفني تكتلني وتحبسني

شكد جنت اشوف شغلات يسونها  ومن يلجحني واكفه يخوفني بسجين  يحمنها تصير حمره ويكللي اذا حجيتي انحركج 

اخاف واسكت  ظليت اتحلم بيهن بليل اشكال مشوها لو اشوف خيالات تمشي وراهن     لو اشوف بيبي تحجي وحدها وتحط صينيه بيها شموع  وماي احمر  ريحته مو حلوه  من تذبها وره البيت  اروح اشم ريحه مو حلوه تلعب نفسي  واشرد خاف يشوفني  و يحركني بالسجينه 

لو اشوفهن   يكضن ابوي  يحجن على امي كباله بس هو ساكت  لا يحل لا يربط كله ساكت 

انا اهواي اشوفهن يدخلن غرفت امي اذا امي صعدت فوك السطح  لو تغسل بره  ادخل وراهن ما اشوف شي
بس مره وحده  شفت عمه غصون  ذبت ماي بغرفتنه  وظلت تمسح

من شافتني كالت جاي اساعد امج خطيه مو تكليلها  وخزرتني  بيبي كاعده على الدرج  كالتلها هذا بعد يلصم حلكه لصم 

  ما جنت اعرف شنو وشكو بس خايفه منهن ومن الخيال الي اشوفه وراهن وخاصه بيبي حتى من تكعد خيالها يظل واكف

ظليت ما اوصل يمهن لحد ما طلعنه ورحنه بيت جدي

هم طلايب وعركه وما يردونه انا و اخوي وجنت كله اشيل حسن لان علي وزهره يكتلونه حتى يقهرون سيف وسيف يكتل علي وامي تكتله

انا انقهر على اخوي ما اقبل  سيف منو يكضه يكتله اوقات اروح اشوفه يصعد فوك يبجي  ما يقبل احد يشوفه

اشكد شفنه شغلات بس نخاف نحجي لان امي تكتلنه

مره علي جاب صينيه متروسه حلويات وخلاها كبالنه وحسن بجه على نستلايه

ردت اخذها انطيها اله علي ضربني بيدي

اجه سيف خذانه للمحل اشترالنه وكعدنه بغرفتنه ناكل

سيف .. بعد لا ترحين يم احد وانا اشتريلج حلويات لا طلبين من احد  سمعتي
.. ما طلبت  بس حسن ظل يبجي

سيف .. اي تعالي كليلي حتى الامي لا ترحين 

.. صدك راح تروح الابوي  وما ترجع

سيف .. اي اروح اشتغل ويا عمامي اجمع فلوس حتى نطلع منا 

.. وين نروح سيف ما عدنه بيت

سيف .. ولج اي مكان  شوفي امي شكد تشتغل باجر اذا تكبرين هم مثلها تصيرين  بس تشتغلين ويحجون عليج