ومـالـكـيـت الـيـفـتـهـمـنـي.. وهـاي صـار سـنـيـن اعـانـي…؟؟. ومـثـل قـرآن الـمـحـاكـم كـلـهـم يـحـلفـون بـسـمـي بـس ولا واحـد قـرانـي
-------
انفتحت الباب ولان تدخل ورده التليفون بصفي مفتوح الخط وذاك معرف شيحجي وانا كاعده خايفه ومتوتره
ورده .. شنو اهلج بيهم شي شو وجهج مصوفر
.. لا بس امي مريضه محتاجه شي
ظلت تباوع عليه وعلى النقال وتحجي وياي ، اي ردت بهارات امس شميت ريحتها حلوه عندج
.. عادي اخذي العلب يمج على الرف
ورده .. اكلج هو شنو بيهن يعني
رديت عليها بضووجه وضجر لان لحت او حسيتها تريد كوه تسولف معرف شاكه بشي او لان انا متوتره
.. يوو ورده شمعرفني انا هيه خلطه امي تسويها الي مناك من يمهم
خلي انوم الطفله طفي الضوه وياج
راحت طلعت وما ردت بعد كمت بسرعه اخذ التليفون الخط مغلق بس اجت رساله
اذا محد يمج رمشيلي
استغفر الله شلون ورطه هاي المن احجي والمن اكول اخ بيداء شلعبتي بيه
غلست عنه رسايل تجي اشكال من عنده اتصلي هسه وهسه محتاجج ضروري
انتي مسجله الرقم باسم زوجج وانا عرفته وين
ظليت الطم قفلت النقال وكمت احضر روحي سالم يجي العصر عزلت الغرفه وسويتله كيك
اشتغل وبالي مو يمي لحد ما دخل سالم اباوع بعيونه ادور بيهن فضيحتي
دخل بوسني وبوس مينا شفته طبيعي جريت نفس شويه
اخذني بحضنه مثل كل مره !
لا هاي المره غير احس روحي خاينته
ما حافضت علي كلبي يرجف وهو حس بيه
راح للحمام يسبح وطلع انا هم اخذت ملابسي ودخلت بباب الحمام وكال طلعي بسرعه اريد احجي وياج
معرف شلون سبحت وشنو كلت غسلت ملابسنه وياي وشطفت وطلعت
كاعد يكلب بالتلفزيون
سالم .. وين سكينه
.. اشر الملابس لتصير بيهن ريحه
سالم .. خليهن على صفحه وتعالي كعدي كبالي
حطيت السطل بالارض وجن طاح گلبي يمه على الارض
ورحت يم سالم على الجربايه
اباوع بعيونه وهو يسئلني بيج شي ؟
.. لا شبيه ليش سامع شي
سالم .. سكينه انا رجلج سترج وغطاج محد يحافظ عليج بكدي ولا احد راح يخاف عليج صاير شي احد ماذيج كولي اخذلج حقج
أنت تقرأ
لدغة اقارب
Aksiyonيوكولون الماله حض ويا اهله لا يتعب روحه ويدور ويا الغريب وهاي انا من فتحت عيني وشفت الدنيا ما شفت بس عقارب محاوطتني اليوم احجيلكم عني انا حليمه بنت فخريه الي ما مر عليه غير الحنظل .....
