هـوه الـبـشـر بـحـجـايـه تـتـغـيـر مـوالـيـده
-----------
من شفنه علي يمشي بطريق الغلط وحجينه ويا عبد اليسر
وبدره سمعت وخافت عبد اليسر كل عاده يضربه قررت تزوجه
حجينه ولمن كلنه بس الولد مو مال زواج الولد طافش
اصرت الا تخطبله وفعلا شافتله بنت عمرها 12 سنه وجانت عباره عن اية من الجمال لعبه مو بنت
وتصير اقاربها من بعيد وبيتهم بالفاو
وراحت وشافتها وردو موافقه وجانت بدره طايره بيها اما علي جان مراهق عمره 19 سنه وسمعها جميله وحلوه عام على عومهم
اما لا انا و لا البنات قابلات وغير جان لسلمه راي ثاني
جانت تصيح ما يتزوج علي وانا بالبيت وتتعارك ويا خالتها وعبد اليسر وكبت المشاكل بالبيت
قررت سلمه تروح لهلها وهيه جانت زياره مو مشكله
ظلت سبوع ورجعتلنه وجنه كل عاده ملتمين شفناها تغيرت وعادي غلست عن زواج علي وتحجي برحابة صدر هيج نسوي وهيج نحضر
استغربنه منها ومن ردت فعلها هيه راحت بشي ورجعت بشي فتوقعنه يمكن امها حاجيه وياها وقانعتها
بس فتره وردو خبر البنيه عمها ما موافق
بدره ظلت تصفك ايد بيد وسلمه ترحرحت ومن تمشي احسها ما تمشي بالارض طايره
كاعدين انا وبدره وعلى شربت الجاي العصر دخلت يمنه فرح
سلمت وكعدت ، اكول يما شبيها جنتج تمشي وتهز
بدره .. اكص ايدي اذا ما هيه وره هالسالفه
.. ما ادري والله شكلج بس يا بدره صدكي من جانبج والله علاوي مو مال زواج بعده كافش انتي شوفي تصرفاته ويا اخته شلونها تجيبين بت الناس وتروطينه وتروطين روحج
بدره .. ابد يا حليمه ازوجه يعني ازوجه لو شيصير
وانا ابوج كالي زوجي وكون ازوجه
المسئله صارت بيها تحدي وبهاي الفتره جانت سلمه تحوس على طلعت البيت وتريد تطلع كعد يمي عبد اليسر وظل يحجي مشاكل البيت امه وسلمه وعلي لسانه طويل ولا اكدر اعزل ولا متحمل الظله
.. خويه ليش تعزل البيت واسع وقوي ابنيلك فوك لو ابني العلي مشتمل فوك وعزله وظل هنا عينك على امك وابوي واخوانه مالك غيرهم
عبد اليسر .. اي ليش بس انا شلت المسؤليه مو ذاك ثائر حتى مشاكل البنات ما يدري بيها شوفي هاي فرح اجت مكتوله ومطروده سئل كال ، الله عليج حليمه دره بيها
.. يا خويه احنه ثائر من يمتى سائلين بي لو سائل بينه احنه انباوع لله ونباوعلك
عبد اليسر ... حتى لو يا خويه بالجذب ما يسئلني انا هم تعبت اريد سند الي وهو ولا يما
أنت تقرأ
لدغة اقارب
Açãoيوكولون الماله حض ويا اهله لا يتعب روحه ويدور ويا الغريب وهاي انا من فتحت عيني وشفت الدنيا ما شفت بس عقارب محاوطتني اليوم احجيلكم عني انا حليمه بنت فخريه الي ما مر عليه غير الحنظل .....
