يگولون اهلنه قبل
كثر العطا يورث الحسايف وانا نطيت اهواي !!
..........
ثائر كال راح ترحين وياي وانا كيفت ما صدكت
طفر هادي
/ شلون تروح والحم..
ام هادي ... قطار يما قطار ما عليها شي تروح تشوف اهلها من معدنه هنا ما راحت وهذا ظلم يا يمه مو زين
جنت اسمع وعيوني مفتوحه
عرفت هذا قرارها لان محد اله كلمه بس هيه
هم كمت طفرت الم هدومي وهنه كلهن ثلاث دشاديش العندي و وحده عليه
هادي بعد لا وده ولا جاب
توكلنه يوم ثاني الفجر صعدنه نفرات و للمحطه وصعدنه بالقطار من الفجر وجانت الدنيا بارده حيل
انا جنت مسويه متاع وبالقطار ثائر اخذلنه غرفه ارتاحينه بيها وتغدينه بيها و للمغرب وصلنه للبصره وسياره مناك البيت اهلي
بيت اهلي سمعت العجب يومين وسولفلي بدره ونوره شنو مسويه بيهن بتول
وقهرني من كالن ابوي وثائر كبالها خرسان
نوره .. حليمه والله مدليتنه الويل هاي الايام عود اتطورت تغسل اماعين العشه واذا شافت ثائر لو ابوي تصيح تعبانه وايديه تكشرن
.. نوره لا تخلونها تشتغل ختولي انتي توته هو البيت هالگده
نوره.. اي والله ظليت اهذهن اغسلهن تكوم تغسل وراي وخاصه بدخلة ثاىر كون يشوفها بالمطبخ
وذاك اليوم حجيت كلبت الدنيا وصارت هوسه وحصلت رزاله من ابوي وثائر
بدره .. هاي غير نشبتها ويا عبد اليسر بالطبه والطلعه تصدكين شمرت الدعابل مالته بالبلوعه
وخلته يدك روحه بالكاع
طفرت نوره وحجت هم ادخل ثائر وضرب عبد اليسر وراح بيت خالي يومين وابوي رجعه
.. عمه شنو صاير بيكم زين وابوي شنو حجه وكال لا تكليلي سكت عن ثائر ومرته
نوره .. تهي بهي اصلا كالله اذا ما نعدلت اربطك بالسطح
والله گلبي خضني لطمة على حلكي بصدمه
بدره .. ابوج يا حليمة مغسول غسل ما بينه نحجي ونكول
وثائر يباع الطولها من تمشي وما يهون عليه الهوى يتعدى عليها
كامت نوره تسوي الغده وانا هم فتحت گلبي البدره وحجيت شنو مسةيات بيه ام هادي وبناتها
بدره .. حليمه لا ترحين انا راح احجي ويا ابوج خلي يحطولج غرفه على الاقل صدك جذب حتى ما صار سنه
وصدك بدره كالت الابوي وابوي حجه ويا ثائر ما ترجع الا يحطولها غرفه
ثائر من البداله رايح متصل بقريبهم وحاجي ويا عمي كاله اشوف الوضع وارد خبر
أنت تقرأ
لدغة اقارب
Acciónيوكولون الماله حض ويا اهله لا يتعب روحه ويدور ويا الغريب وهاي انا من فتحت عيني وشفت الدنيا ما شفت بس عقارب محاوطتني اليوم احجيلكم عني انا حليمه بنت فخريه الي ما مر عليه غير الحنظل .....
