لدغة اقارب

الجزء التاسع

اهـجـر بـيـوت الـذل لـو هـي مـن ذهـب وأسـكـن بـيـوت الـعـز لـو هـي خـرابــة

---------------

الليل كله داير وجها ما يشوفها مره البيت كله مرشوش بس بفراش مرته الصغيره ملفوف

الجبيره عدها سفر  الوحده مربوعه بيضه  هههه ايبااا متراهنات عليها ثنين انطلعها انطلعها 

نيه سوده هنه مو بس يشتغلن الها
رفعت عيونها باعتلي 
جاي يشتغللج بس بعدهن ما بلشن تردين اسويلج اخرسه واخلي يمشي مثل المحبس
بس ما يطول لان هو كافر وانتي مؤمنه ولا يستوي المؤمن والكافر 
هو عنده هم شغلة نسوان  بس والله مسدود حلكه  

.. اعوذ بالله اخسر دنيا واخره على رجل شيفيدني باجر ولو صار زين  الي ما صار من ذاته بالاعمال اسوي ويعت روحي ولا بارك الله

سدت كتاب الله   وجرت نفس مسحت وجها 

وما حجت شي بس كالت كلمه  وحده
لا يحلفها ..

  وما فهمنه شنو تقصد
رجعنه للببيت بدره اتصلت بثائر وطبعا جان زمن الارضي

وكالتله مر علينه وصدك الصبح وجان يوم جمعه مر علينه 

وبدت بدره تسولفله كلشي كالته هناء

ظل صافن وشفت شفايفه ترجف 

ثائر .. بتول امس بليل راحت للحله  ومحد يدري حتى سميه ببيت خالتها 

هنا صدك خفت معناها هناء حجيها صح والا احنه ما حجينه شي

وصانه ما نحجي شي يم سميه  وراح طلع يجيب مرته من بيت خالتها و يرحون بيتهم  طلع وهو يفر براسه

بدره ..  والله كلت سالفتها مو خاليه دام   هاجرها بنيه صغيره وحليوه  ليش يهجرها لو ما هالسوالف 

رجعت بذاكرتي وظليت اسولف البدره

.. بدره تدرين بعد زواجي اجت ام حيدر هيج كالت وسولفت سالفت الدجاجه   وشلون موكلتها من بيتهم وشلون ام حيدر  ما طالبه ولا محتمه وموافقه تنطي بتها

بدره .. بحضها و ببختها البنيه الهسه قسمته واكفه  بسبب كلمن يجيها يكلوله لابن عمتها  لحد ما قسمتها وكفت

.. هيه توضفت والله يفتحها بوجها  
بس شوفي احنه شكد مغفلين هذا كله  كبال عينه واحنه عميان 

بدره.. لان ما ماشين بهاي الدروب  ...

بنت عبد اليسر كل ما الها بالنازل  و الورمات براسها تزيد والبنت وصلت بيها ما تكدر تاكل

  شرت عليهم يجب خلاط ونسويلها الاكل بالخلاطه

والله وصدك ظلت تشربه شرب   احطها بحظني واشربها شويه  شويه

  منظرها يفجر گلبي  قهر بعدها طفله وتون ونين وسبحان الله تعلقت بيه

عبد اليسر يجي مناك من الورشه يكابلها ويكعد