لو ماتن الامهات دنو الخالات !
كذااب وعينه مشلوعه الكالها
........................
تفاجئة بمرت خالي ام حيدر المره الله يشهد بوستني وتباركتلي وجايبتلي زوج تراجي ذهب
وظلت عدنه للمغرب صار وكت صلا توضت وصاحت سويلي مجال اصلي
دخلت غرفتي اجيت افرش السجاده شفتها واكفه تباوع عليه بتسمت بوجها مستغربه نظرتها
ام حيدر .. عتبي على اهلج جبير يا خليمه شنو شافو من بتي وما خذوها وفضلو عليها بتول
.. ليش عمه مو اجو خطبو ورفضتي وطلبتي بيت وحدها وانتي تدرين ثائر هسه متوظف جديد
ام حيدر .. انا صدك طلبت بيت بس دزيت على ثائر واحيت اتفق ويا يحط وره فتره بس لا ثائر رد ولا اهلج ردو وما سمعت الا خاطبين بتول
.. اي من اجت خالتي وكالت ام حيدر ما تقبل تنطي بتها ويا مرت ابو ونطت بتول مكانها اهلي قبلو
كعدت على الجربايه وضحكت
ام حيدر .. يعني سوتها سمره ولكم اخ اخ
والله شوفي يا حليمه انا خالتج ما شفتها الا مرتين مره اجت من السوك وذبت بيتي دجاجه كالت شتريتها وفلت حبلها وخاف اطير مني خلتها يمنه
من الاربعاء للاربعاء اجت خذتها والاربعاء الوراها دزتلي منها صحن بيد احمد ابنها ولا شفتها الا اليوم بعد يمته كلت وحجيت
ظليت ساكته لا عرفت اجيب ولا اودي كامت هيه وتوجهت للقبله وصلت
انا هم صليت بصفها بس جذب اذا فهمت شنو كلت او حجيت
لحد ما خلصت صلاة دكت على جتفي وكالت انتي دخلتي وكر عقارب ديري بالج
وعافتني وطلعت وحتى ما تعشت
واكفه بالمطبخ اكلي وبالي مو وياي تيهتني ام حيدر
ما حسيت الا حرصه بزندي طفرت شنو
خالتي ام هادي
.. ولج حليمه شنو عدها ام حيدر كرصت وياج بالغرفه شكالت شحجت
..ما حجت شي بس صلت
ام هادي .. عليه حليمه عليه يلا الحجي ما ينظم والله اذا سمعت طالع سر من البيت اطلع روحج
عافتني ومشت دخيل الله شنو ومنو وانا وين
وشنو اسرار البيت ليش هو شكو
مشت ايام عاديه تجي بتول خطار وانا ما يخلوني اروح والله رجلج مطوع ويجي فتره وفتره وشلون بهالفتره تعوفينه
بتول تجي ما عدها غير نظفت الهم وغيرتلهم سويتهم وعلمتهم وامها وخواتها اي طلعيهم من طين حوز العسماوي خطيه ششايفين
انقهر على اهلي انا اعرف بدره نظيفه رغم تخلف وتخيط بس اذا لزمت الجدر تسوي مرايه
اوقات اشوفهن يسولفن واذا دخلت سكتن ما يحجن وكل عين عليه شكدها يعني حومي
وخاصه من تجي بتول خبالهن اذا كعدت يمهن
أنت تقرأ
لدغة اقارب
Acciónيوكولون الماله حض ويا اهله لا يتعب روحه ويدور ويا الغريب وهاي انا من فتحت عيني وشفت الدنيا ما شفت بس عقارب محاوطتني اليوم احجيلكم عني انا حليمه بنت فخريه الي ما مر عليه غير الحنظل .....
