لدغة اقارب

الجزء الثاني عشر

أقـدام مـتـعــبـة وضـمـيـر مـسـتـريـح، خـيـرٌ مـن ضـمـيـر مـتـعــب وأقـدام مـسـتـريـحـة.

----------

لا اريدها ولا اريد شوفتها ولا اسمع خبر عنها  من يمج ولا تجيبيلي اخبارهم 

نازك .. تره نشلت  وعلى الفراش  ومحد الها وندمانه تكول لو مخليه بت اختي جان مو هذا حالي

.. عساها بالندم  ما ادعيلها بالموت الموت حق وهيه حتى حق الموت ما تستحقه    

ظلت تلح نازك وسديتها وياها  وحلفتها ما تكلي باخبارهم

ما صدكت اخلص منهم ومن سيرتهم  شتشوف مني ام هادي  سنين عمري الي انباكت بالحسره   والعوز والقهر

نكتت الافكار من راسي وكمت  اكمل شغل انا سكينه ما اخليها تسوي شي

بدره وسلمه يحجن عليه باجر عد العيال  يحجون عليها علميها وعوديها

اطنش حجيهم  جبت عمري  كله اكرف من عمر 6 سنوات وانا اركض ويا بيبيتي  واليوم هم اخلي بتي مثلي
لا ابد كلت كون ادللها عندي عدا من تروح بيد ابوي مرت خالها اتسخرها كومي وسوي وكعدي 

  وهم گطعت رجلها   ما يخليها عبد اليسر تروخ بيت خالتها  يحول نسيب وباحر يمل بينما بالعكس رجل نوره اخ وسند عمرنه ما حسينه بي نسيب

   بس هم اكول خلي همه ما عدهم ابو خلي حجايت خالهم تمشي

وفعلا تمشي عليه وعليهم   لدرجه ظلو يصيحون بيت خالنه مو بيت جدنه
 
بس اخو اخر فتره  تغير وصار يميل الحجي المره
وبدره اهواي تشكتي  وتكلي   ظلت تتهم علي   يطب للبيت وهيه بلا حجاب

ظليت اضحك   وهزيت راسي

.. اي  بدره تتذحرين ايام الهنديه  سبحان الله انعادت

بدره .. بتول لئيمه   بس السانها مو طويل  هاي هم السان وهم لئامه وعينك عينك   مطفره علي

تصدكين حتى البيض اتظمه

هزيت بيدي
.. اكلج هو منو مات وخذه ويا 

بدره.. اي والله وذاك اليوم راح جاب بيض   وعبد اليسر شافه وكلب الدنيا وكسر البيض والمن انا اشتغل وتسوك ليش هيج تسوون

  ومن كاله مرتك تظم الاكل حركت البيت حرك

ابوج  كعد بالغرفه  وحتى عشا ما تعشه 

حاطه ايدي على خدي وصافنه على هالعالم 

  اجت سلمه  يمنه سلمت واشوفها تحوس

سلمه .. اكول ام سيف انا اليوم رايحه بيت اختي   ما ترحين ويانا والله دوم تسئل عليج

.. لا والله  سيف هسه يرجع من السوك ما اكدر  خلي غير وكت ارتبله اكله ونروح
وبعد دخلت نوره وكعدنه نسولف