:غَـصـه بـصَـدري ضَـلـت مـن حَـجـيـهُـم .
---------
سيف تتذكر من جنت واكف اخابر وانت تعديت عليه يم الباب وسلمت
سئلت عليك وكلتلها ابن اختي جلبت الا تنطي الي اسلم علي وتسئل عن شكله شلون وشكد عمره
ومره رحت بيتهم گلبي لعب احتشام ماكو انا سامع مو من ثوبنه بس مو هيج
رخت شتريت جكاير يم محل وسئلت عن خوان البنيه طلعو كلهم من قوم لوط وابو المحل كال لا تكرب صوبهم ابد ما يفيدونك
غير ولد عمي كلمن بسالفه عمن بالفاو وشي تعرف شي
انا حاس روحي تورطت مدري امي ورطتني
يحجي وهو مقهور ومتندم
وسيف من سمع بعد لا وده ولا جاب بس كاله اعبر النهر قبل لا يصير بحر وتتورط بزواج وهاي راح يصيرون خوال جهالك باجر
علي .. وانتي شتكولين حليمه السعديه
.. والله شنو اريد اكلك الزواج مو لعبه ولا هو يوم يومين ويخلص هذا عمر وراح ينتج عنه اطفال وتره الام والخوال الهم انعكاس قوي على اطفالك باجر
علي .. انا رايح للبيت احاجي عبد اليسر واكله ما اريدها
امس حجيت وامي سوت هوسه وتكلي العالم يجذبون عليك وامها بت اختي واعرفها وخلتني اكلع من البيت
بس هسه رايح للورشه گبل
نكت ايده وكام كتله تعال للغده هنا كال لا خلي اشوف بشنوطحت وانتي هم مري علينه تره ضوجه
طلع وسيف هم تمدد ونام كمت انا علي شغلي
بالي يم علي الي تورط يكسر خاطري من هو صغير دللو ودمرو وهسه تعال نزوجك حتى تعقل
لو سكينه الي زوجها يشكي منها صار فتره مدري شجاهم
،،
صار جمعه ورحت لهلي ولكيتها صدك عالكه علي متصل بابوها وكايله ما اريد البنيه والي نطيته الكم اخذو وراح اجي اطلك
بدره ما قابله وصايره هووسه
بنيه بعدها صغيره وربيها على ايدك معليك باهلها
علي .. يا اهل يما يا اهل البنيه اطب يمها تقفل الباب وتكعد بحضني بنت جريئه يمتى عرفتني بنيه تكلي جيران ابوي يجيبلي هدايا
يدك ايد بيد ويحجي بصوت عالي وجها احمر وروحه طافره
عدها اميل يما عدها اميل
بدره .. البنيه حلوه لا تخسرها ومن عدنه وبينه
علي .. انعل ابوها لا ابو شكلها شايف اشكال انا حتى بنات بغداد رايحلهن شكلها هذا عندي ولا اشتري بفلس اريد ش ر ي ف ه تصوني وتصون بيتي
أنت تقرأ
لدغة اقارب
Açãoيوكولون الماله حض ويا اهله لا يتعب روحه ويدور ويا الغريب وهاي انا من فتحت عيني وشفت الدنيا ما شفت بس عقارب محاوطتني اليوم احجيلكم عني انا حليمه بنت فخريه الي ما مر عليه غير الحنظل .....
