لدغة اقارب

الجزء التاسع عشر

ولا وحــده اجـت بـريـش كـلـهـن دكـن بـصــــدري...

------------

اجه موعد الزياره وحملنه ورحنه وسالم كل الي بنيته يقربني من اهل ابوي

راحت وياي ورده وبيداء وهناء وعمتي

وظل بس عمي وعائلة محمد وخالد بلبيت

سالم فرحان اكثر مني وانا على فرحته فرحانه
وكبالهم كل شوي وحضني وهذا الشي خله فد فئه تضوج

شايل الطفله عني ويفتر بيه

خلصنه زيارتنه بالنجف ورحنه متوجهين الكربلاء وهنا عمامي تلكونه

ودخلت وشفت بيبي طريحة فراش بس ايديها وراسها يتحركن والي قايمه بيها عمه نجات

عمتي بتول متزوجه رجال كبير بالعمر

وعمه غصون زوجها متزوج عليها وبينهم مشاكل للستار عاد مخليلها مشتمل يم بيت جدي ويمر عليها

الي شفته نسوان عمامي كلهن عازلات ومالهن شغله ببيبيتي

وعمامي ميقبلون احد يحجي على نسوانهم ظليت اسبوع عدهم

عمتي نجات اخذتني للسوك وشترتلي تشيرت احمر

جنه بيومها مقررين نروح بيت بيبيت ورده
فعمتي نجات مقبلت اخذ التشيرت وياي كالت خلي انسقلج ويا تنوره وادزهن

طلعنه من السوك ورحنه والمره الله خير اتلكتنه بالهلا و المرحبه

وذاك السلام
ارتاحيت عدها اكثر من بيت جدي

ظلينه يوم بليله ويوم ثاني قررنه نطلع الفجر بليل اجن عماتي وجايبات هدايه الي والبتي

وعمتي نجات جانت مقرره تروح ويانا لان خالها بالبصره مريض

وتجهنا يوم ثاني للبصره من الفجر

دخلنه ولكينه مرت محمد طابخه غده
جنت حيل تعبانه ما صدكت اطب غرفتي وحتى مينا جانت غافيه

باوعت بعده للصلاة كلت خلي اتمدد

ملحكت اذب روحي دكت الباب عمتي نجات

طفرت

.. هلا عمه دخلي

نجات .. لا عمه اريد اغسل بس شو مايكم مالح حرك عيوني

.. عدنه برميل مي حلو بره تعالي
اخذتها وره البيت مخلين برميل مي حلو للشرب

ظليت واكفه يمها صفنت عليه منتظرتني اروح

نجات .. روحي عمي بعد عمري روحي ارتاحي مشكوره كومتج من فراشج سوده عليه

هم ما صدكت رجعت للغرفه تمددت شوي وطب سالم

راح للحمام

سبح وجنت بين الغافيه والصاحيه احس بكلشي بس مالي حيل