لدغة اقارب

الجزء الثامن

 
اسـوأ ما تـمـر بـه الـمـرأة  الـمـتـزوجـه عـنـدمـا تـجـد نـفـسـهـا عـالـقـه بـيـن قـرار الـطـلاق او الـصـبـر وبـيـن راحـتـهـا وبـيـن مصلحة اولادهـا وبـيـن قـلـبـهـا وعـقـلـهـا ولـحـظـات عـالـقـة بـيـن مـصـلـحـتـهـا وبـيـن كـلام الـنـاس
مـره تـقـول  حـان وقـت الـطـلاق بـعـد مـا اكـتـفـت ألـمـا وقـهـرا وظـلـمـا مـن زوج ظـالـم 
ومـره تـتـراجـع تـصـرخ بـداخـلـهـا اطـفـالـي لا اسـتـطـيـع تـركـهـم والـعـيـش دونـهـم فـتـرى نـفـسـهـا بـكـل الاحـوال خـسـرت حـيـاتـهـا وعـاشـت جـسـد بـلا روح

-------------------

العصر دخل علينه ثائر  عيونه تجدح

ثائر .. شنو صاير الظهر احيت من اادوام وكالو   متعاركه وزعلانه شكو  اريد افتهم
هيه خالتج اخت امج وهالشي الي تسوينه  ىضرج انتي وجهالج وتخربين بيتي

.. سنسن وانا ساكته ومحتمله تصرفاتهم حتى لا انت توكف وياي هالوكفه  وتكلي خرب بيتي بسببج

انت بيتك وحدك روح عيش انا مو يمك

ثائر .. ماكو هيج حجي  عيال بيت يتعاركون  ويتصالحون  ظلي هنا كم يوم ورجعي وانا هم ما راح اخلي خالتي تروح

.. والله ما ارجع  انسى وخليك بعيد عني حتى لا تخرب بيتك انت تدري بيه شنو صار وشنو شفت

وظليت احجي و اسولف وجها اختقن وما قبل وظل يفر براسه 

ثائر .. انا بتهم عيشتها ملكه صار الها 12 سنه ما جابتلي طفل لا حسستها ولا حطيت بعينها وبذاك الحصار    راجعت بيها اطبة بغداد  واحسن لبس واحسن اكل  وتالي اختي هييج معيشينها
انا الي حجي وياهم

كعد شويه ويحجي ويا ابوي   وهيج انكللهم وهيج نسويلهم

شكد فرحت  وطمن گلبي بوس الجهال وحط بيدهم مصرف وراح

بس صدمني البنات من كالو خاطب

  توته شايفتله  بنيه بت خالة صديقتها مطلقه وعدها ولد بس بعدها صغيره وحليوه 

.. وشعجب بتول قبلت  شلون سكتت 

توته.. الناس كلت گلبه  وهو هم شاف اخوانه الاصغر منه هاي سمره عدها بنيه وهو رباها على ايده وهاي عبد اليسر عنده ولد ومسمي عامر   وهاي نوره ثلاثه

.. والله ما ادري شكلج  ما تدخل عقلي

توته.. هيه هم ححت وكالت شنو يجيب مطلقه يحطها وياي بلبيت  وهو سكتها وكاللها  علي الاقل مجربه ما اكعد انتضر

.. وشبيها المطلقه عشتو  مو كل وحده اتطلكت يعني  مو زينه   عموما الله يرزقه الذريه علي عينها

سالفتي صارت سكته

سمعت بيهم رايحين
وبدر بلشو بزواج ثاىر وخطيه جايب غرفه  ورق شكد ما تعبانه  ومن حجينه كال ما اريد اقهر بتول البيها كافيها
وحطاهن ثنينهن ببيت واحد ولا بتول طالبه هالشي