الأمـر لـيـس بـالـمـلـح أو الـخـبـز
الـنـاقـص يـبـقـى نـاقـصـاً
حـتـى لـو اطـعـمـتـهُ لـحـم
-------
يوم مثل كل يوم عادي اكعد الصبح اغير البناتي وسوي اريوك وابوهن يطلع للشغل يوصلهن للمدرسه بطريقه
اكوم انظف وارتب البيت اوقات شغل خفيف عندي بلبيت اظل اسولف ويا البنات لحد ما يصير وقت الطبخ
طبت عليه بيداء ترجف وخايفه
كعدت علي التخم دمعتها بطرف عينها
.. بيداء شبيج قلقتيني جهالج وينهم شصاير
بيداء .. سكينه فدوه بالله وبيج عمري اجيتج بطلب لا تخذليني مالي غيرج
.. ولج شبيج شكو خوفتيني
اترددت اهواي تحجي واخذت فتره الا بدت تنطق ويا ليتها ما نطقت
بيداء .. قبل فتره دخل عليه واحد بالانسستا منطيته وجه بالبدايه بس طلب مني صداقه فقط
كلمه مني وكلمه منه وطورت علاقتنا وصار حب بينه
وطلب يشوفني ودزيت صوري
شوي شوي الصور اطورت وصارتـ
.. صارت شنو بيداء احجي ولج
بيداء.. لالا ليروح بالج بعيد صارت فيديوات و و شسمه جانت اكثرهن
ئئئئئئئ
.. ولج شبيج تأتئتين
بيداء .. بدون ملابس
وهدت تبجي ، خرطت بخدودي وكعدت مهدود حيلي وصحت بيها ولج شلوووون
زادت تبجي وظلت ادك علي رجليها ولج سكينه انا زوجي بده يشك وكلتله خل ننهي الي بينه ظل يهددني وهسه يريد مني مبلغ كلش جبير
وتعرفين احنه ما عدنه ومنين اجيب واذا دبرتهن شلون وهو من الموصل مو منا
.. مصيبه عليج بيداء مصيبه ولج هاي خراب بيووت عشاير كتل ذبح تدرين لو لا
بيداء .. فدوه سكينه لا ازيدينها عليه طايحه بمشكله وبس الله يعلم بيها ادري غلطانه ادري عيب وحرام وادري اذا رجلي عرف يكول لخواني ويذبحوني بس ما عندي غيرج
صفصف وجهي وخفت واحس شعر بدني وكف من الشي الي اسمعه ومجرد اتخيل شنو راح يصير
.. بس انا شبيدي واكدر احلها
بيداء .. تليفونج بس احجي ويا الله يخليج
.. لالا فدووه ستري عليه اخوج وتعرفينه كلش زين وكوه هالفتره الله هادي عليه مابيه انا على وجع الگلب بعديني كلش
بعدين ليش شبي تليفونج
بيداء.. حاضرني من كلشي بس كلمتين اكله هو حضرني وكال سبوع واشيل الحضر الاكيج محضره الفلوس لو تشوفين صورج بكل البرامج
أنت تقرأ
لدغة اقارب
Açãoيوكولون الماله حض ويا اهله لا يتعب روحه ويدور ويا الغريب وهاي انا من فتحت عيني وشفت الدنيا ما شفت بس عقارب محاوطتني اليوم احجيلكم عني انا حليمه بنت فخريه الي ما مر عليه غير الحنظل .....
