شـمـاخـذ مـنـي قـابـل هـنـه بـس اسـنـيـن
وصـحـتـي وكـم حـلـم وردي
ولـذة الـــعــــشـــريــــــن .......
-----------
سمر خطبوها البيت حجي وهيب حما عمتي
.. يبوووي شجابهم شوداهم علينه شذكرهم بينه
توته.. عمتي جايبتهم وجايه وعمي يريدها الابنه يمكن هيج وصلنه خبر
.. بس سمره صغيره كل عمرها 16 ليش مو انتي احسن
توته.. يريد طويله وعمتي كايلتلهم
.. والله ضوجتيني سمر صغيره ابد مو مال زواج
بدره .. انا ما قابله كلت لابوج يردون الجبيره اهلا وسهلا بس سمره صغيره وبالمدرسه ما انطيها
.. اي زين سويتي سالفة الزواج هاي منين طلعتو بيها
صارت سكته شويه وتذكرت ثائر طلع من عدهم قبل زواج عبد اليسر عاد سئلتهم شلونها
بدره.. زينه وتعالي شوفيها بس هيه وبس الي يشوفها من تجي يكول خسروها
.. بعد احسن ارتاحي منها تدرين هاي لو بعدها وسلمه بلبيت يوووو اتصير من الروس هنه كلشي يتحملن الا احد مجابههن
مرت ايام الفاتحه و رجعو اهلي
وانا هم صارت العطله ورحت
لاحضت على بدره و ابوي حيل مكبرين راس سلمه
اسم الله عليك لا يغشى عليك
البنيه لسانها طويل ويا زوجها وكلمه بكلمه واكثر من مره يضربها وكبالنه بس ما ترد ولو حجه ابوي وبدره يوكفون عضم بالبلعوم
حجيت ويا بدره اكثر من مره تره تطغى خلوها هيه ورجلها
شفت بدره ما تقبلت مني هم سحبت نفسي كلت هيه وبت اختها انا خلي احير بظيمي
فتره واجو على سمر خطابه وابن عم ابوي
وعمي بس سمع اجه رادها الابنه ابوي ما قبل ظل يدور اسوالف عتيكه عن خدره وشلون حجت عليه من رفضت اخوها وهم بنفس الوقت كاله عمي واخو ابوي وعيب ما انطي
عمي زعل وصار بخاطره
وطبعا هالفتره جان بايع البيت وراجع للفاو
دخلت عليهم بدره وكالتله انت عندك ثلاث ولد وهاي ثلاث بنات غير سمره وكبع واخذ ولا يصير بخاطرك اخوك نطا كلمه
ما قبل بهذا الحجي وراح وهو زعلان وجانت اخر مره نشوفه
يومين واجو بيت عم ابوي يخطبون سمره
جنت توني جايه من الحله ما لحكت افصل الي فد دشداشه
الي لابستها جانت بازه وبيها رقعه من الحضن مكان بايد خليت علي وصله لا يزيد
أنت تقرأ
لدغة اقارب
Açãoيوكولون الماله حض ويا اهله لا يتعب روحه ويدور ويا الغريب وهاي انا من فتحت عيني وشفت الدنيا ما شفت بس عقارب محاوطتني اليوم احجيلكم عني انا حليمه بنت فخريه الي ما مر عليه غير الحنظل .....
