أديـر العـيـن يـسـره...مـره يـمـنـه عـلـه الـشـالـو وجـانـو. بـگـلـبـنـه
---------
دخل علي للبيت وصيت البنات لحد اتعاتبه
علي جان مئاذي ابوي وما يسمع منه كلمه ويعلي صوته علي
دخل بوجه مكسور مدنك راسه
دخل غرفة ابوي ونسدح بفراشه وظل ينحب
واحنه على النحيب انولول ابوي وخيمه ولامنه جان رغم كبر سنه
يوم ثاني اجو عيال سكينه سكينه لبدت منهم احنه سكنه غرفة ابوي العالم تجي وتروح من تجي الملايه تقره ندخل بالنص نلطم نبرد نار گلبنه واذا خلصت رحنه غرفة ابوي
البيت وحشه رغم كثرت الناس البي توحشت البيت المن ملتمين المن جايين
عبد اليسر و ثائر سوو فاتحة الزلم بالحسينيه والطبخ يجيبونه مناك وسلمه وخواتها يصبن و يوزعن
سلمه بهاي الايام سوت استعراض للعبايات والجببب كل ما اطب الغرفتها وتطلع لابسه شكل والنسوان اقاربنه يحجن والمصيبه طاحت بحلك مرت عمي وظلو اهل الفاو يعلسون بيها
وبسالفة خطبة علي وليش فصخ والي يكول سمعنه صاحبها ماخذها للشمال والي والي الالم ما ياذي الا صاحبه احنه الكلبنه مقهور اما باقي العالم جايه بالاسم تعزي
من بين الناس اجت خالتي الصغيره ما شايفتها من زمان هم گابلتني وكعدت تنحب على حالي وحال بتي
وسولفتلي عن اخبار بيت ام هادي كلهم مطشرين وابو هادي شايفله مره وبناته متخبلات علي
خلصت الفاتحه وراحت الناس وهاي اليله الي كدرو الولد يدخلون بيها للبيت وكانو نعادت علينه ذيج الليالي شكد بجينه لكن نار الابو ما تبرد
وهاي صار اسبوع سكينه وقت الناس تلتم تعزل روحها خايفه وليل ما تنامه وتنام نوم مفزفز هاي اذا اخذها التعب بس بذيج الليله جنه سهرانات انا وخالاتها بالهول وهيه وبنات نوره وعلي نايمين بغرفة ابوي كبال عينه جان الباب مفتوح
تقريبا الساعه 3 الفجر
متمدادات بالهول توته جان عدها سفر كالو يصلون و يطلعون وسمر الصبح تتوكل ونوره راحت وفرح بايته يمنه انا هم كلت للعصر اخذ سكينه و اروح وجاي نحجي بسوالف الفاتحه وما نسمع الا سكينه صاحت بصوت عالي
وخررر عني ووخر عني تصيح من علو حسها
طفرنه كلنه الا توته ركضت الغرفت امها
فتحت الضوه ورحت حضنت سكينه
جانت كاعده على حيلها ومخليها ايدها على عيونها وايد اتاشر بيها على الشباك
وتصيح وخر فرح وسمر حجن وياها وانا بس حاضنتها واقره معوذات
أنت تقرأ
لدغة اقارب
Acciónيوكولون الماله حض ويا اهله لا يتعب روحه ويدور ويا الغريب وهاي انا من فتحت عيني وشفت الدنيا ما شفت بس عقارب محاوطتني اليوم احجيلكم عني انا حليمه بنت فخريه الي ما مر عليه غير الحنظل .....
