විභාගෙට ලෑස්ති වෙන එක නම් මේ දවස් ටිකේම මං ඇත්තට අරගෙන හිටියේ..ඔක්තෝබර් නොවැම්බර් දෙසැම්පර් කියන්නේ වැස්ස වැඩි මාස ගානක් හින්දා අසනීපත් එමටම තියෙනවා.. ඒ අස්සෙම මේ ගෙවල් ගාවම පන්සලේ කඨින පිංකමත් වැටෙනවා..ඒකේ එක එක වැඩ වලට සීයා විතරයි මේ පාර යන්නේ. උත්සවේ තියෙන්නේ මට විභාගේ ඉවර වුනාම..
එහෙම විභාගේ ඉවරයි කියලා දවසක් ගැන හිතනකොටත් දැන් නම් සැහැල්ලුවක් දැනෙන්නේ..අවුරුද්දක් එකාමාරක් විභාගේ කියන දේ ඔලුවෙ තියාගෙන ඉදලා දැන් ඒක ඉවර වෙන්න යන්නේ..
"හොඳට කරන්න ඕනේ ඉතින් ආයේ ඔන්න..පුතා මොනවද කරන්නේ"
"මැත්ස් කරන්නේ ස්වාමින් වහන්ස"
"ආ ආ.. ලස්සන අනාගතයක් හදාගන්න ඕනේ ඉතින්. කොල්ලෙක් වුනාම නේද උපාසක මහත්තයා..ගෙදර ගෘහ මූලිකයා ..ම්ම්ම්... හොඳයි හොඳයි..ගුණයහපත් දරුවනේ..බැරි වෙන්නෙ නෑ..විභාග ඉවර කරලා කඨිනේ වැඩවලත් සම්බන්ධ වෙමු"
"එහෙමයි.."
"මෙයා වගේම තව දරුවෙක් දැන් ඇවිල්ලා ඉන්නව නේ..අපෙ අලුත් ග්‍රාමසේවක මහත්තයගෙ පුතා.. ඊයෙ පෙරේදා පන්සලට ඇවිත් යන්න ආවා පවුලම.. "
"ඔව් අපෙ හාමුදුරුවනේ ඒදරුවා අපෙ ගෙදර එහෙමත් ආවා"
"කිව්ව කිව්වා.."
එහෙම කියලා හාමුදුරුවෝ මගෙයි සීයගෙටයි අත්වල පිරිත් නූල් ගැටගැහුවා..තවත් පොඩ්ඩක් වෙලා කතාකර කර ඉදලා අපි පන්සලෙන් එන්න ආවා.. ගමේ පන්සල තියෙන්නේ සෑහෙන පඩි ගොඩක් උඩ.. අපේ තේ වත්තට අල්ලපු වැටේ.. පන්සලට අහායින් ගමේ ඉස්කෝලේ ඊට එහායින් පුස්තකාලේ... ඈතට පේන චෛත්‍යකුත් හදල තියෙන එකේ ඒ චෛත්‍ය ඇතුළේ ඇදපු චිත්‍ර එළිදැක්වීමක් මේ පාර කඨිනේ එක්කම කරනවලු..
විභාගේ පටන් ගන්න දවස ළං වෙනකොට මං සෑහෙන්න නිහඬ වෙලා හිටියෙ..එහෙම වුනේ හිත ඇතුළෙන් පුදුම කලබලයක් තිබ්බේ..
"හෙලෝ"
"හෙලෝ... නෙවාන් පුතා නේද "
"ඔව්ව්..කවුද මේ"
"ආ ඉන්න පුතේ.. මේ කවිත් ට ඔයාට කතාකරන්න ඕනෙ කියල මට අරන් මුලින්ම කතාකරන්නලු..ඉන්න පුතා - ආ කොල්ලා හොඳට විභාගේ කරන්න ඈ..අපි හම්බුනේ නැති වුනාට අපෙ පුතා කියවනවා ඔයාලා ගැන..සීයව නම් හම්බුනා ඉතින්"
YOU ARE READING
WATERMELON | COMPLETE
Romanceඒ වෙලාව....... මං හිතන්නේ මැයි මාර ප්‍රසංගයේ කියන ' විශ්වයේ විශේෂ අවස්ථා කිහිපයෙන් එකක් ' වුනා.. වැරැද්දක් වෙලා සමාව ගන්න බය පොඩි එකෙක් ගේ මූණක් මට පේනකොට මට මොනවගේ මූණක් ද තිබුනේ කියලා මට විශ්වාසයෙක් කියන්න බෑ.... සමහර විට මට ඒ තත්පරයේ දෙකේ හුස්ම න...
