"කොල්ලා මේ පිට්ටනියට දාලා බල්බ් ටික සෙට් කරන්න..ඒක පල්ලෙහා ඉදල ඇදගෙන එමු"
"ඔව් මාමා එහෙම කරන්න තමා හිතුවේ.. දන්සලට ටෙන්ට් එක ගහන්න කලින් කරන්න ඕනෙ"
"ඒක නම් හවස් වෙලා ගහයි තිලකෙලගෙ ගෙදර උයල අරන් එනවලු"
"ආ එහෙමද. පන්සලේ උයනව කියලා කිව්ව නේ"
"ඒක කරදර වැඩී දන්නැද්ද කට්ටිය උයන්න ගියාම.. "
මං හිනා වුනා.. සීයත් එක්ක දහයට වගේ පන්සලට ආවා ආවමයි සීයා කොහෙද මන්දා.. ආව වෙලාවේ ඉදලම එක එක වැඩ කරා .. වැඩියෙන්ම සැරසිලි තමා අපිට කරන්න වුනේ.. දැන් මේ පඩිපෙල දිගටම ලයිට් දාන්න වෙලා..
"අර පොඩි කොල්ලව එක්කාහු කරගන්න මං දැක්කා මේ කොහෙදෝ ඉන්නවා.. ග්රාමසේවක මහත්තයගෙ පුතා"
"ඔව් මාමා එයා මූණ පොඩ්ඩක් හෝදන් එන්න ගියා"
එහෙනම් එයා එක්ක කරගන්න කියලා අනිල් මාමා ආයෙ පන්සලට ගියා.. අවුව සැර ඉන්න බෑ..හොඳයි එක අතකින් වැස්සොත් එහෙම මොකුත් හරියට කරගන්න බෑ නේ..පන්සලේ සෙනඟත් එමටම..අද හවස් වෙනකොට වැඩි වෙයි..මං කවිත් එනකල් කියලා පිට්ටනියට වෙලා වයර් රෝල දිගාරින්න ගත්තා..
පෙරේදයින් විභාගේ ඉවර වුනා.. ඉවර වෙලා ඇස්පිල්ලන් ගහන වේගෙන් දවස් ගියා.. ඔක්කොම හොඳට කරගෙන ඇවිල්ල කෙමෙස්ට්රි දෙවෙනි එක පොඩ්ඩක් වැඩියෙන් අමාරු වුනා මට..ගෙදර ඇවිල්ලා ඒක ගැනත් හිත හිතා ඉන්න වුනා සෑහෙන වෙලාවක්.. ෆේල් වෙන්නෙ නෑයි කියල නම් විශ්වාසයි , වෙන දෙයක් වෙයි නේ..මං මගෙ උපරිමෙ කරා..
"මොකද්ද කරන්න ඕනේ.."
"මේ හෝල්ඩර් වලට බල්බ් දාන්න ඕනේ.. බල්බ් හතළිහක් තියෙනව"
"දිගාරින්න වෙයි නේ වයර් රෝල..පිට්ටනියට කවුරුත් එන්නෙ නෑ වාහන එයි නේ හැබැයි.. අර කොනට ගිහින් බිම දාලා දිගාරිමු"
"අව්ව සැර අප්පා"
"කැප් එක දාගන්න මේ පන්සල නෙවෙයි නේ"
කලිසමේ එල්ලන් හිටිය සුදු පාට කැප් එකත් දාගෙන කවිත් වයර් රෝල දිගාරින්න ගත්තා.. මාත් මගෙ කලු කැප් එක දාගත්ත බැරිම තැන.. අත් එහෙම දනවා..
YOU ARE READING
WATERMELON | COMPLETE
Romanceඒ වෙලාව....... මං හිතන්නේ මැයි මාර ප්රසංගයේ කියන ' විශ්වයේ විශේෂ අවස්ථා කිහිපයෙන් එකක් ' වුනා.. වැරැද්දක් වෙලා සමාව ගන්න බය පොඩි එකෙක් ගේ මූණක් මට පේනකොට මට මොනවගේ මූණක් ද තිබුනේ කියලා මට විශ්වාසයෙක් කියන්න බෑ.... සමහර විට මට ඒ තත්පරයේ දෙකේ හුස්ම න...