සෙමිනා එක ඉවර වෙලත් අපි කේසීසී එකේ ටික වෙලාවක් ඉදලා නුවරින් ගෙදර එන්න පිටත්වෙනකොටම හවස පහත් පහුවෙලා .. නුවර ඉදලා වාඩි වෙලා ආව හින්දම මට ටිකක් දුර එනකොට නින්ද ගියා.. ආයේ ඇහැරුනේ කවිත් ගේ අප්පච්චි ගත්ත කෝල් එකකට..
"පුතා.. ඔයා කොහෙද ඉන්නේ.."
"මම නවයාලතැන්නෙන් එන ගමන් මාමා ..ඇයි ?"
"පුතා අද හයට මේන් මෙහෙ කර්ෆිව් එකක් දානවලු. ඔය පැත්තේ මිනිස්සු පාරට බැහැලලු ස්ට්‍රයික් එකකට"
"මෙහෙ.. මං එනකොට නම් නුවර එහෙම එකක් තිබුනෙ නෑ මාමා.. එතකොට හයේ බස් එක නැද්ද"
"ඒක හයටම එනවා කිව්වා පුතා මම දැන් කෝල් එකක් දීලා වසන්තගෙන් ඇහුවා.. අපෙ පුතාට දැන් තමා ක්ලාස් ඉවර වෙලා තියෙන්නෙ.. නුවර ඉදල එන්න බස් තියෙනවද පුතේ."
"ඔව් දැනට--- ටිකක් වාහන නම් අඩුයි වගේ මාමා.. බය වෙන්න එපා මම මල්ලි එනකල් ඉන්නම්..මම මොකක් හරි කරන්නම් මාමා."
"පුතා කලින් එන එකේ හයේ බස් එක පොඩ්ඩක් තියාගන්න බැරිද කවිත් ළඟින් එනව කියලවත්"
"හරි මාමා.මම බලන්නම්.. මල්ලිව එක්කන් එන්නම් මං"
"පුතේ අපෙ කාර් එකෙත් ලයිසන් එක්ස්පයර් වෙලා. මම වාහනයක් හොයාගන්න පුලුවන් වුනොත් එන්නම්. මට වත්තේගමට ඇවිල්ලා කෝල් එකක් දෙනවද පුතා. "
"හරි මාමා.."
ග්‍රාමසේවක මාමා කතාකරේ සෑහෙන කලබලේකින් නමුත් නිවිලා වගේ.. කවිත් ට එන්න බස් තිබුනෙ නැත්තන් එයා එහෙ බය වෙයි. කර්ෆිව් එක හින්දා තමා මේ බස් එකෙත් සෙනඟ ඉන්නේ..බස් එකේ මිනිස්සුත් කලබලෙන් එහාට මෙහාට කෝල් ගන්නවා..
"ඕ සීයා.."
"මගෙ පුතා කොහෙද ඉන්නේ"
"දැන් පොල්ගොල්ලෙන් එන ගමන් සීයා. මට ග්‍රාමසේවක මාමාත් කතාකරා කවිත් තව කටුගස්තොට ලු."
"ඔව් ඔව්..එයාට මම ඔයාට කතාකරන්න කිව්වේ.. පුතා ඔහෙ බස් අඩුද"
"ටිකක් අඩුයි නේ.."
"ඔයාට මල්ලිව එක්කරගෙන මාතලේ පාරෙන් හරි එන්න පුලුවන්ද .. අපි උකුවෙලටවත් එන්න බලන්නම්..මෙහෙටට්ත් පොලිසියෙන් ඇවිල්ලා කොහෙවත් යන්න දෙන්නෙ නෑ එන අයට විතරයි එන්න දෙන්නේ"
YOU ARE READING
WATERMELON | COMPLETE
Romanceඒ වෙලාව....... මං හිතන්නේ මැයි මාර ප්‍රසංගයේ කියන ' විශ්වයේ විශේෂ අවස්ථා කිහිපයෙන් එකක් ' වුනා.. වැරැද්දක් වෙලා සමාව ගන්න බය පොඩි එකෙක් ගේ මූණක් මට පේනකොට මට මොනවගේ මූණක් ද තිබුනේ කියලා මට විශ්වාසයෙක් කියන්න බෑ.... සමහර විට මට ඒ තත්පරයේ දෙකේ හුස්ම න...
