(pov changed)
රහස්.....
දුනිත් අයියගේ වත් මගේ ගාවවත් නොතිබුන දේවල්... මට මාව දැනුන තැන... ගිනුක ව නාව නාව ඉන්න දවසේ අයියව දැක්කම හිතට දැනුන අමුත්ත , එදා ගෙදර ගිහින් සෑහෙන වෙලාවක් හිතුව මහා එපා කරපු සිතුවිල්ල... අයියව හම්බවෙන්නත් බයයි ඒත් නැතුවත් බැරි වෙච්ච දවස්.. ඒ කාලෙන් පස්සේ අපි අතරේ රහස් තිබුනේ ම නෑ.... ඒත් දැන්...
දුනිත් අයියා එයාට පැවරුන වගකීම් හරියට කරලා ලංකාවට එන්න යන්නේ. පැය ගානක ගුවන් ගමනකින් පස්සේ අයියා කෙලින්ම එන්නේ මං ගාවට.. එයාව මට මුණගැහෙන්නේ අද හවසට... හිත හුඟාක් ගැහෙනවා.. අද මගේ උපාධි ප්රධානෝත්සවය...ලංකාවේ ප්රසිද්ධ වෙච්ච වනිගසේකර නඩුවෙන් පස්සේ මට ලැබුනු දේවල් ගොඩයි... වචනෙන් දෙකෙන් කිව්වෝතින් හැමාතින්ම වනිගසේකර නඩුව මගේ ජීවිතේ වෙනස් කරා....
ඔළුව වෙහසපු මහන්සි අවුරුදු ගානකින් පස්සෙ මට පේන හැම නීති ශිෂ්යයෙක්ම හිටියේ හිනාවීගෙන... මටත් ඒ සතුට ඒ විදිහටම දැනෙනවා , මට බය මගේ මූණේ වෙනසක් අද හවසට පස්සේ කවදාක හරි අයියට පෙනේවිද කියලා...එයාට හිස් හැඟීම කොයිතරම් දැනුනත් "මට මගේ සාරන්ය ගාවට යන්න ලැජ්ජයි " කියන තාරුකා වනිගසේකරගේ වචන මට බරයි. එයා දන්නෙ නෑ මම එයාගේ පුතාව හොඳටම දන්න කෙනෙක් කියලා... ඒත් එදා මම එයාව මුණගැහෙන්න ගියපු දවසේ ඇමති කෙනෙක්ගේ නෙවෙයි මගේ ඉස්සරහට ආවේ සමාජයෙ වචන වලින් හෙම්බත් වෙච්ච අම්මා කෙනෙක්....
පරම්පරා දේශපාලනික පවුලක පොඩි දුව විදිහට ඉපදිලා හිටිය තාරුකා වනිගසේකර සිසිර වර්ණකුලසූරිය එක්කන් හාද වෙලා තිබුනේ ඉස්කෝලේ කාලේදි... හරියටම කිව්වොත් උතුරේ යුද්ධයට දේශපාලනය කැලබෙන කාල සීමාවක.. ඉතින් ජීවිතේ ආරක්ශා කරගන්න දඟලන දැඟලිල්ල අතරෙදියි වැඩි ආරක්ශාවට තාරුකා සිසිර කියන පෙම්වතා ගාවට ගිහින් තියෙන්නේ.. ගියා හිස් බඩින් වුනත් එයා ගාවින් ආවේ දුනිත් අයියව එක්කන්...මාස හය හතක් යනකල්ම සිසිර තාරුකාව බලාකියාගෙන වුනත් හිතට ගහපු මාධ්යවේදි පිස්සුව හින්ද සිසිර තාරුකාව මඟදාලා ගිහින්... ආයෙම පවුලට යන්න පුළුවන් වුනත් බඩ දරාගෙන පවුලට යන්න බයක් හිතට එද්දි ඉතුරු මාස ගානත් ඔහේ කොහේ හරි ඉදලා අයියව ඉපදුන ගමන් ඉස්පිරිතාලෙන් ප්රශා නැන්දට බාර දීලා තාරුකා ආයෙම එයාගේ පවුලට එකතු වෙලා....
![](https://img.wattpad.com/cover/369020305-288-k310161.jpg)
YOU ARE READING
WATERMELON | COMPLETE
Romanceඒ වෙලාව....... මං හිතන්නේ මැයි මාර ප්රසංගයේ කියන ' විශ්වයේ විශේෂ අවස්ථා කිහිපයෙන් එකක් ' වුනා.. වැරැද්දක් වෙලා සමාව ගන්න බය පොඩි එකෙක් ගේ මූණක් මට පේනකොට මට මොනවගේ මූණක් ද තිබුනේ කියලා මට විශ්වාසයෙක් කියන්න බෑ.... සමහර විට මට ඒ තත්පරයේ දෙකේ හුස්ම න...