"හාදයා .. අනේ ඉතින්.. කොල්ලො ඔය කාලේ ගුටි කෙලගන්න යනවා..මං ඉසල් හින්දා අනන්තවත් ඉස්කෝලෙට ගිහින් ඇති.. දැන් ඒ ගහපු එක්කෙනාට මොකෝ කියන්නේ"
"එයාට මෙයාට වඩා අමාරු ඇති ලු. ඒත් පොර කේස් එකක් ඇදලා ගන්නෙ නෑ ලු මොකද්දෝ හේතුවකට කියලා කිව්වේ.. කවිත්"
"ආ හා හා.. නහරකාරයෙක් වෙන්න ඇති.. ඒක නෙවෙයි මගෙ පුතාට ගැණු ළමයෙක්ට හිත ගිහින් නැද්ද"
"නෑ.. ඇයි ??"
"ආදරේ කරන්න ඕනේ.. ඒ ලස්සන විඳින්න ඕනේ කියලවත් හිතලා නැද්ද.."
"අනේ අනේ සීයේ..සීය මගෙන් අහන්නේ මට පාසල් ප්‍රේමයක් තිබුනද කියලද..සීය නම් කියයි හැමෝම ඔහොම අහන්නෙ නෑ... ඔය සක්කරවට්ටම් අල්ලගෙන නටල අහුවුනොත් අඩු කඩනව කියල දෙමව්පියෝ කියන්නේ"
සීයා හයියෙන් හිනා වුනා.. මම මේ සීයගේ ඇඳ උඩ ඉදගෙන සීයගෙ උරහිස් මසාජ් කරනවා.. අද උදේම පුස්තකාලෙට ගිහිල්ලා ආයේ හවස තේ ෆැක්ටරි එකටත් ගිහින් ඇවිල්ල හින්දා මහන්සියට පොඩ්ඩක් අත පය මසාජ් කරලා දුන්නා.. ඒ අස්සෙනේ මේ ප්‍රේමයක් ගැන අහන්නේ.
"පුතා ආදරේ කරන කෙනා මොන වගේ වෙන්න ඕනෙද"
"එහෙම එකක් නෑ.. එයාට ලස්සන විදිහට ලස්සන වෙන්න ඕනේ.. "
"පුතා හිතන විදිහ ඒක.. නිකන් හරියට පොදු උත්තරයක් වගේ නේ.. ඒත් මං ආස මගෙ නෝනගේ වගේ කම්බුල් වල ගැහෙන ගෑණු ළමයින්ට.. අපෙ නෝනට මට දැක්ක ගමන් ආදරේ හිතුනෙත් ඒ හින්ද නේ.. ආයේ මං ආසයි කොණ්ඩෙ දිග ගෑණු ළමයින්ට..මගෙ නෝනා පොඩි කෙල්ල කාලේ ඒ තරම් කොණ්ඩෙ දිග නෑ..පස්සෙ නම් සෑහෙන්න දික් වුනා.."
"සීයා ප්‍රේමවන්තයත් මරු නේ. ගොඩක් කොල්ලො කොණ්ඩෙ දිග අයට කැමති. අනේ මන්ද මට එහෙම එකක්නෑ"
"ආයෙ ආයේ.. පුතා ට ආදරේ හිතෙන කෙනාගේ ආගම ජාතිය වයස කුලය තව ඔය වගේ දේවල් ගැන පුතා මොකද හිතන්නේ"
"ආදරේ හිතෙනවනම් මම ගනන් ගන්නෙ නැති වෙයි ඉතින්.. ඒකත් වෙලාවට අනුව ඇණේ ගහයි"
මං සීයගේ කොලොන් එක අරන් ඒකත් ඔලුවට දාලා සුදු පාට කොන්ඩේ උස්සලා හෙයාස්ටයිල් එක දාන්න පටන් ගත්තා..
YOU ARE READING
WATERMELON | COMPLETE
Romanceඒ වෙලාව....... මං හිතන්නේ මැයි මාර ප්‍රසංගයේ කියන ' විශ්වයේ විශේෂ අවස්ථා කිහිපයෙන් එකක් ' වුනා.. වැරැද්දක් වෙලා සමාව ගන්න බය පොඩි එකෙක් ගේ මූණක් මට පේනකොට මට මොනවගේ මූණක් ද තිබුනේ කියලා මට විශ්වාසයෙක් කියන්න බෑ.... සමහර විට මට ඒ තත්පරයේ දෙකේ හුස්ම න...
