مأوى الغربية

part 5

Writer: حِوار آلـ سُليمان

               . أنثُر لِطفك بـ بارت روايتي .

لا تنسون التصويت والتفاعل بين الفقرات حَبيبيني ،

                . لا دَليـل ، لكنـّي أشعُـر .

                 ___________________

اجَه أبويـه وديريـن واني عينـي على أمي ، شراح تصيـر من مصيبة ياربي الله لا يهنيك يا نجَـاح ..

ابويـه شاف امي متحَظره عگد حواجبـه وحچه مستغـرب ،

عَبدالله: شكـو وين رايحـه ؟

رَبيعة: محتاجه كم شغلـة اريد اشتريهـن فدمـره قبل لا نرجع .

عَبدالله: لعـد مو هسه اني چنت طالع ؟ ليش ما أجيتي يعني هسه اني بيه حيـل اطلع وياچ ؟؟

رَبيعة: هاي شبيك عَبدالله تصيح ، بعدين لا راح اخـذ إمَـامَـة ونجـاح وياي .

هَز راسه وگمزت ديريـن على ماما ،

ديـريـن: أروح ويـاچ اروح شنو بابا ما يونـس اخذني يركض وجابني يركض

عَبدالله: شگد ناكـره الجميل أمده تربيتچ بعدچ بطول اصبعي الصغير وهيچ لسانچ لو كبرتـي شتطلعين ولو اكبـر مثال إمَـامَـة .

هيَ ختلت وره امي واني ما حچيت شيء ، لبست ماما جنطتها وعبايتهـا وخابرت على نجاح طلبت مـنه يجي ومن سمع اني موجوده گاللها اطلعيلي ..

طـلعنا وبابا يوصَي  "عينچ بالگاع " " ديري بالچ على بناتچ " "ممنوع تتأخرون " "لا تبقون تتمضحكون "

وتوصيات الها اول ما الها تالي بحيث بزعنـا يلا عبرنا البـاب ،

لزمت ماما أيـد ديرين وحچت وياها ،

_باعـي حبيبتي ديري احنه مو راح نمشي ؟ لا تباوعين لـ نجاح ابد ابد وإذا باوعتي تره ازعل ومن الزم ايدچ واركض اركضي مو تبقين واگفه زين ماما ؟ حَتى اشتريلچ لعابـه ام العربانـه .

هَزت راسها ديريـن من سمعت اللعَابـه ، ضليت لازمه گلبي بـ أيدي وطول الطريق اني اقنع بـ ماما ..

_عوفـي حقنا الله اخذه ماما لا تغلطين فدوه .

ربيعة: لچ شوكت تفهمين الثولـه اگلها راح نغـدي تراب وهيَ تگلي لا تغلطين .

وبقيت اقنع لكن ماما حَاده اسنانهـا على نَجـاح ، رغم يستاهل بس گلبي ما ينطني أأذي أي شخص ..

وصلنـا لباب الفـندق لگينـا نجاح كاشخ و منتظرنـا ، انسان بيه شوفه وكشاخ لكن تصرفاتـه بذيئه وانسان وصخ من الناحيه الاخلاقيـه ..

والتشـوه الشكـلي افضل من التشـوه الاخلاقـي .

شنـو فائدة شكله بدون اخلاق ؟
على الاقل مو حلو لكن أخلاقه حلوه !