مأوى الغربية

part 30

Writer: حِوار آلـ سُليمان

لا تنسون التصويت والتفاعل بين الفقرات حَبيبيني ؟

ـ مِن مُهلكات النَفس ؟
ـ إنتظّار رِساله ..

               ــــــــــــــــــــــــــــــــــــــــ

الحَقائق تنكشف ، مهما يمُر الوقت ، على گولة العراقيين " تختمُر وتطلع ريحتها "

و هسه ؟ مِن بعد كُل هاي السَنوات ، انكشف الچان مضموم ، انكشف الي ضمته امي و ابوي و بعد مدري منو ..

هَبطة صابتني من كلمتها و سَناريا بقت صافنه ، لزمت أيدها اهزها بـ خفه ..

ـ ماما شبيچ ؟

ـ اوگفي إمَامَة اوگفي ..

رجعت اندارت على سَناريا واني عيني على عضيد ألي ما مستغرب الوضع كأنُ يعرف !

ـ زين سَناريا گليلي امچ شوكت تطلگت ؟

ـ خالة من ولدتني تطلگت

ـ شو جنسيتچ خل اشوفها ؟

ـ ليش ؟

ـ احلفچ بمعزة سَّوَار گومي خلي اريح گلبي ..

گامت سَناريا و كل علامات الاستغراب على ملامحها ، واني كأنُ فهمت الموضوع و دخلت بحالة صَدمة ..

رجعت سَناريا لازمه جنسيتها باوعتلي بـ معنى " شكو " ، واني من الصدمة حتى ما گدرت احرك براسي ..

انطت الجنسيه لـ أُمي و عضيد نَط ،

ـ عمه هيَ بنتچ هايَ .

هبط ضغطي واحس الدم بدأ ينشف ، سَناريا ما مفتهمه وكأنُ مصدومه و امي منهاره ،

دگت على صَدرها و بچت وهي لازمه الجنسيه بـ أيدها ..

ـ ولك الله لا يوفقك يا مالك يُمه انـي يمتى نصفت وياي الدنيا يمتى ثنين زلم ما بيهم حظ ..

سحبت سَناريا من أيدها لـ حضنها تبچي ،

ـ ولچ سَناريا هاي اني ، اني ربيعة المكتوب اسمها بـ جنسيتچ ، ولچ اني امچ الي من ولدتچ تطلگت هاي اني ..

رفعت روحها سَناريا بسرعه وگفت على حيلها ، ترجف رجف واني لساني نعگد وعضيد يأشرلي اعوفهن بـ راحتهن ،

سَناريا: أُمي ؟ خالة شنو شدتحچين !!

ـ مو خالة ولچ يُمه امچ اني امچ

ـ امي !! شلون امي بس فهميني فدوه بعد ما استوعب شي عضيد إمَامَة شديصير

ـ اوگفي اوگفي

بسرعه امي سحبت جنطتها من التخم و طلعت جنسيتها خلتها بصف جنسية سَناريا و قدمتهن الها ،