Writer: حِوار آلـ سُليمان
أنثُر لُطفـك بـ بارت رِوايتـي ،
لا تنسون التصويت والتفاعل بين الفقرات حَبيبيني ،
لَيش ضَيعتوا المَحنه ؟ مو ردناكُم لـ أهلنـه !
____________________
جَسد أُنثى ، مَليئً بالكَدمـات ، شعُور لا مُتناهي بالخَيبة و الاحزَان ، وحَتى ذلك الشعـر ! يَملئ أرضية المَنـزل مِن وَحشيتهُم !
النفـس اجَره بـ صعوبه ، لا اگدر احرك أيد ولا رجّل !
ما ادري بنفسي ما قافله البـاب !
انفتح عليه بـ قوة واجه گدامي ابويـة !
بقيت اباوعله وانـي نفس نومتي ما بيه احَرك أي شيء من جَسدي ..
اتقرب وهو مخنزر عليه ، ثنى ركبـته وگعَد گدامـي ..
مّسح على شعَري بـ هدوء مُخييييف ،
و بـ لحظه ! لف شعري حَول أيده وجرني مگومني من شعري !!
عطت بـ خوف و وجع وهو ضرب راسي بالارض ،
عَبدالله: بت الكلـب هسه تسولفيلي كلشي وين چنتي وشلون لگيتوا شقه و ويه يا گـ*** نمتي ؟؟
سارت رجفه بـ جسمي من كلامه !
بلعت ريگـي و احاول افتح شعري من أيده و طلع صوتي المرتجف ..
_عوف شعـري حتى اعرف احچي فـدوه ..
ترك شعّري بـ قوة خلاني ارتطم مَرة آخرى بالأرض ،
عدلت نفسي وبديت احچيله ، بديت احچيله من تحَرش ابن اخـوه بالتفصيل ، اشهگ وابچي واحچي ..
حچيت كُلشي ما تخطيت ولا حَدث وذكرت كل الاشخاص الي صادفتهم ما ضميت شيء !
لان اذا كذبت راح احصل عُقوبة مُضاعفه !!
عيونـه صارت حُمر جَمر قابض أيده بـ قوة و حچه كاز على أسنانه ،
_هَسه تقنعيني نَجاح هيچ تصرف وياچ بدون لا يتقربلچ ؟ تقنعيني اتصرف غصباً عنچ ؟
_وداعتك والنبي والعَباس وبيش تريدنـي احلف بَعد !
_وشلون امچ دفعته ؟؟؟؟
_هو من حچيتلها و رحنه وهوَ ويانه دفعته على سَيارة على الشارع العام و بعد ما ندري شصار لان ركضنا وگبل رحنه للانبـار وبعد سولفتلك ..
_تدريـن نجاح أنشَل ؟ تدريـن لو يلزمچن هسه شيسوي بيچن ؟؟؟
_مو من حَقه ! حاول يعتدي عليه دَتفهمني ؟ لان دافعت على شرفـي راح تحاسبوني !!!
_باعي إمَامَة انـي اتغاضيت عن سالفة محَمد وطلعت لي سالفة نَجاح صفح ، لو جايات وحاچياتلي چان اتصرفت ليش اتصرفتن هيچ ؟؟؟
أنت تقرأ
مأوى الغربية
Randomمِن مَن تهرُب ؟ وكُل المَلاجِئ مُغلقـة ! بـ مَن تستنجـد ؟ وكُلهم وحَوش مستبلَدة .. مُتعطشين لـ أشبـاع انفُسهم فَتياتًا .. وأيـن هيَ تُلك البُقعة مِن العِراق مَحماها ؟ و مـاذا ستجِد بـ مُناسبة فـرحاً لأحَـد أثريـاء الغربيـة !
