مأوى الغربية

part 37

Writer: حِوار آلـ سُليمان

لا تنسون التصويت والتفاعل بين الفقرات حَبيبيني ؟

الطُرقَات مُضاءة بـ شكل جَيد ،
ولكِن الجَميع تائِـه !
ولا أحـد يَعثـر على أحـد ..

                  ــــــــــــــــــــــــــــــــــ

تحسست ادين فضل ثلج صايرات غطيتهن بـ عبايتي زين وهو بس صافن بوجهي ، حقه انخلس خلس هالايام ..

بعدني احضن بيه لصدري ما احس الا انكفخت على راسي  ..

رُفعت راسي لگيت امي واگفه فوگ راسي وهيَ بـ قمة الغَضب ..

رَبيعة: ولچ ليششش هيچ تسووووين تريديـن تديحينيييي وين وليتي وين !!!

گومتني تعت بيه من عباتي و اديه بدأت ترخى حسيت فضل راح يوگع من أيدي ،

رَبيعة: خايبه شجاني من خلفتچ والله تأذيت الله يطيح حظي إذا ما رجعت لبغداد وعفتچ هنا مثل الچلب

ـ ارجعي وإذا

ـ أي ما تخافيين صلفه بت صلفه

ضلت تغرد واني روحي طالعه اخذت فضل و طبيت للغرفه حطيته على السَرير و عزلت الغرفه لميت كل الگزاز و التكسير و رتبتها ..

رحت على فضل سبحته و طلعتله ملابس عطرته و خليته بحضني ارضعه ،

ـ ويـن راح ابوك ؟ ليش ما اجه لا سأل عليك لا سأل على امك ؟ تعبت اني حَبيبي والله تعبت ..

هو ما مفتهم صفن بوجهي و گام يبتسم ، ابتسمت على ابتسامته و حضنته لـ صدري اشم بـ ريحته ..

ـ نسخه من ريحه ابوك ولك عبالك چنت بحضنه واجيتني

ضليت العبه و هو يضحك و يناغي ، خليته بالگاع وگمت انطيت فلوس لـ أمي ..

ـ اتسوگي بيهن النا البيت فارغ

ـ خوش ، اگلچ اروح واجي تسولفيلي السالفه كلها خل نشوف شنسويلچ ابوچ كل دقيقه يخابرني يعد ويصف ..

ـ الله كريم

لبست عبايتها و طلعت ، لملمت باقي البيت و كُل زاوية تجيب الف ذُكرى و ذُكرى ..

رجعت امي واني مخلصه البيت ، غسلت المسواگ و خليته بـ سلات و رتبته بالثلاجة ، ترست البطاله الفارغه و خليتهن بالفريز حتى لو شتاء نحتاج ثلج ..

رحت يم امي وهيَ تلح حتى احچيلها ، حچيتلها من چنت اشتغل بالمكتبه واني منجذبه لـ سَّوَار و الدفتر ولحد ما طلعنا للشمال ،

وهيَ تتلاطم وكل شويه كافختني على راسي ،

رَبيعة: انطيني هذا النعال اليمچ

ـ أي هسه

انطينها النعال و ضربتني بـ قوة على وجهي طبعته طبع ، نزلت دموعي مقهوره من نفسي اني استاهل حتى لو تضربني ..