مأوى الغربية

part 10

Writer: حِوار آلـ سُليمان

              أنثُـر لُطفـك بـ بارت رِوايتـي ..

لا تنسون التصويت والتفاعل بين الفقرات زَهراتي ،

إنَ الله لا ينسَى عبداً نـام باكِيـاً ..

           ________________________

_عَش چذبتي ؟ ابـوچ عايش !!!

يّمكن لو ميتـه بهذه اللحظه قطرَة دم ما تطلع مني ، رفعت ايـدي المُرتجفه امسح عيوني اريد اسكتهّن ..

_احچي إمَامـة ما سألتـچ تا تتصمهرين .

گمت ورجليه وحده تطگ بـ الثانيه ، عيوني على كل المكان بس ما اجتِ عليه ..

ما شفت گدامي غير البـاب ، رحت وخطواتي تتعثر حتى تيهَت البشر شلون يمّشي !

وفجأة ، اختفى الضوء الي چان يفوت من الباب !

مسحت عيوني واني اتراجف اريد بس تتوضحلي الرؤيه ، لگيته واگف وساد الباب ..

ضام ايديه الضَخمه لـ صدره ورافع حاجبه منتظر مني جواب ،

_افتح البـاااب ليش سديته عفيـه افتحه شدتسوي عضيد !!!

_سألتچ وازبـر جواب .

_عوف الجواب شبيك اتخبلت عوفني اطلع عوفني

_هيچ تدحگين ؟

_أي ، افتح الباب اختنگت خرب

بقى بنفس مكانه واگف و معتلي كُل جُزء منه البرود ، ضلت روحي تحترگ وتشيط وتزيد ..

حرت شسوي اتقربت وصرت اجرجر بيه و اريد اندل قفل الباب ..

عَضيد: هساع أنتِ ما محجبه قبلناها بس تكضبيني بالحرام عادي ؟

_وخرررر لا تتدخل بيه انـي اشتغل هنا وانتَ ما الك أي حَق تتدخل بيه واصلاً منو انتَ وتتدخل !!

_اويلي ما اعنيلچ ؟

_خرب نعلعله روحييييي سليمه التطمني وتخلصني وخر فدوه هسه شرايد ليش حابسني

_ترى واضحه إرادتي أنتِ مكبرتها .

_معليييك بيه فاهم لو لا ؟؟ عندي اب عندي جد عندي قنادر لا تتدخل

_انتِ تتشغلين عندي شلون ما أتدخل ؟

_انعل ابو الشغل ما أريده وطرگاعه سوده يوم شفت شغلك و بعدين ما اشتغل عندك ششايفني خدامه ، وخر الله يخليك تعبت گلبي گام يوجعني .

_هاي أنتِ وينها دگمتچ دليني خل اطفيچ

ذابت روحي من القهر و من برودته ، لطمت على وجهي وگعدت على حيلي من التعَب ..

وخر عن الباب واجه گدامي ، شغل سجَاره و ثبتها بين شفايفه الغليظه ..

سحَب نفس وأطلق دُخان ملئ أرجاء المكان لـ ثواني معدوده ..