مأوى الغربية

part 4

Writer: حِوار آلـ سُليمان

انثُـر لُطفـك بـ بارت رِوايتـي ..

لا تنسون التصويت والتفاعل بين الفقرات حَبيبيني

. إنمَـا العُيون نواطـق .

________________________

وبَيـن حيـرتي و توتـري الي حَاولـت وجاهَـدت حَتـى اخفيـهن ..

كملنـا أغراضنـا ، صاح أبويـه على أُمي ..

عَبدالله: أخـذي الجَناسـي احنه رايحيـن لـ كربـلاء .

رَدت ادعـي عليه لكن تذكـرت هوَ أبويـه ، و مُمكن بيوم من الايام الله يعثـرني إذا سأت اله بـ أي شكل من الأشكال !

طلعنـا واني وجهّـي اصفر من الحـادث و سوايـة نجـاح العـار ،

صعـدنا بـ سيارتنـا ، بيت عمي بـ سيارتهم واحنه بـ سيارتنا ، ولان سيَارتنـا مُحايـده لـ سيارتهم نجاح يباوعلي ويبتسم منـاك ..

اشمأزيت وبينت هالشيء بـ ملامحي ودُرت وجهي عنـه ، انتبهت لـ صوت ابوي يباوعلي بـ المرايا ويحچـي ..

عبدالله: ها بـت الكـلب جايبـچ تزوريـن ولو ما تستاهليـن .

ربيعَة: كافـي يا عيني والله تعقـدت من وره مشاكلكم .

ضَلت مناگـر هيَ وابويـة واني صافنـه هسه شحاچي يعني ؟

عَبدالله: تـره نبات بالفنـدق نبقى بـ كربـلاء 3 ايـام .

ربيعَة: ليـش خو نرجع لبيتنـا ونجي غيـر مره .

عَبدالله: ارجعـچ للبيت ؟؟ انـي عاجبني ابات شني تمنعيـني !!

ورجَعت انفتحت قائمـه حرب بين ابويـه وامـي ، و سميَر مثل المَـره گاعد وساكـت اهمداه لـ حظي الخلاك اخويـه .

وصَلنـا دخلنـا زرنـا الامام العَبـاس ، نزلت دموعـي و بـ حرگـة گلبي دعيـت على نجاح ،

_بجَاهـك يا أبـو الفضل احلفـك بـ زينب تطلع حوبتـي بيه و تثبت برائتـي و تعثـره دنيـا واخـره .

وبقيت ادعـي من كل گلبـي ، رحنه زرنا الامام الحسين وطلعنـا نفتـر ، ديـرين لزگت بـ فد لعبه الا تشتريهـا وابويـه منا يتلاطم وامي تسكت بيها ..

ديـرين: أريدهـا شنو والله اريدهـا عليمن اجيت غير اريد اشتـري لو تريدون تحرموني من هاي اللعبـه .

عَبدالله: لچ بت الزمـال هسه شتفيـدچ اللعبه هاي لو بس اذب فلـوسي الي اجمعهن بدم گلبـي .

اندارت هيَ على جهَة الامام ورفعت ايدهـا تدعي وصدمتني وخلت الكُل فاتح حلگه على صلافتها بـ هالصغُر ..

ديـرين: اريدها منـك يابو فاضل إذا ما يشتـرولي لعبـة تگلب الدنيـا على راسهـم وتفـوح گلبـي .