Writer: حِوار آلـ سُليمان
لا تنسون التصويت والتفاعل بين الفقرات حَبيبيني ؟
كُل الاماكن التي لستَ بِها " تُخدش عَيني " .
ــــــــــــــــــــــــــــــــــ
ـ حَـامـل بعد بَيتـي راح يجـيني هَـزام جديد ..
كَممت حلگي بـ أيدي و صوت ضحكاتي رافض يبقى مَكتوم و هو فرحته طغت على كُل أرجاء المَكان ،
اردف واحد من الواگفين و هو يضحك ،
ـ خويه خما تسمي هَـزام لا تظلمو يكرهك من يكبر
ضَحك عضيد و ما رد عليه على السَريع سحبني من أيدي يمشيني بصفه و يركض بيه ركض بره ،
ـ بس خل اجر نفس عزه هاي شجاك
ـ حامل ! حامل ! حامل !
ـ عاجل عاجل عاجل
ضَحك بعلو صوته و اني خجلانه اباوع داير مدايري كُل الناس تباوعلنا ، تالي اني جريت ايده وصرت اجرجر بيه وامشي ..
ـ ولك وين اكو واحد هيچ يضحك وعلي الدنيا كلها باوعتلنا .
ـ فرحان بيچ انـه !
ـ واني فرحتي ما تنوصف والله
ـ نعلعله روحو بس خل يجي هزام الا اربي تربية اخلي اليطب ويطلع يسبني عليها
ـ اولاً من هسه اسقطه إذا تسمي هزام ، ثانيًا ابني اني اربي ما اخلي بيدك ولا بيد ولد عمك
ـ عليش يابـه ما نعجب
ـ عضيد بس لا تسحل بيه خرب وين مخلي السيارة بالفاو
ـ الطريق صار شطولو شو خل اشيلچ
ـ عزززززه و علي اركض و اخليك
ـ ميمو احبچ والله احبچ
ـ بس خل نوصل السيارة إذا ما ابوسك بوسه اخليك تنسطر
ضَحك حيل و صار كل جسمه يهتز ، رجعت اسد بحلگي و اسوي نفسي امشي بعيد عنه استحي امشي وياه والناس كلها تباوعلنا و هو يعت بأيدي عليه ..
ـ من صدگ سودنك ابنك مو چذب والله
ـ طايـر اهجس روحي ما اگدر اركد
ـ الله يركدك بجاه ام البنين
ـ دام عيونچ تلاحگني اعجز عن الاستقرار
ـ اويليييييييي
وصلنا السَيارة فتحلي الباب و باس خدي خطف و رجعت الطم بس الحمدلله الگراج فارغ ،
صعد و شغل اغاني و هو يبوس بأيدي و حار شلون يعبر عن فرحه من صدُگ احس فرح الدنيا كُلها بـ گلبه ..
أنت تقرأ
مأوى الغربية
Randomمِن مَن تهرُب ؟ وكُل المَلاجِئ مُغلقـة ! بـ مَن تستنجـد ؟ وكُلهم وحَوش مستبلَدة .. مُتعطشين لـ أشبـاع انفُسهم فَتياتًا .. وأيـن هيَ تُلك البُقعة مِن العِراق مَحماها ؟ و مـاذا ستجِد بـ مُناسبة فـرحاً لأحَـد أثريـاء الغربيـة !
