Writer: حِوار آلـ سُليمان
لا تنسون التصويت والتفاعل بين الفقرات حَبيبيني ؟
عَريان يگول :
الرُوح لـ أهلّ الروح حَنت ..
و يرَد عليه مظَفر بـ خَيبه :
لچن الايام ماتت !
ــــــــــــــــــــــــــــــــ
ـ الدنيـا دواره هساعَ أنتِ توكليني بس انـه ما كسرتچ تـا تكسرينـي !
ـ شَسويلك و تسامحني ؟ ؟
گام مني مسح حلگه و راح للغرفه باس فَضل و اتجه للباب يريد يطلع ، وخرت الصينيه و ركضت وراه ..
ـ لا ، لا تروح شبيك لخاطر أبنك ! زين لخاطر ايامنا لخاطري اني !
ـ وين المفتاح ؟
ـ ما ادري
ـ المفتاح وينـو !!!
ـ شمَرته من الشباك .
ـ عليششش ؟؟ شهالسوالف مال مزعطه
ـ مو سوالف مزعطه بس ماريدك تعوفني !
ـ وانـه شلي برأيچ
ـ احنه الاثنين مجموعين بهالعلاقه وثنينا النا رأي ، واني رأيي ما اريد اعوفك ما اريد اعيش هذيچ الايام شبيك حس بيه والله تخبلت ..
ـ هساعَ شلون نجيب المفتاح
ـ راح نبقى محبوسين
ـ لا .
رفع تليفونه وهو يباوعلي ، نضراته خاليه مو نفس الحُب والمشاعر الچانت تحملها ..
عَضيد: ها تعال لبيتي بره المفتاح الكحه اريد اطلع ، اهجمكم هجم چلاب
سد التليفون و راح گعد على التخم ، ضليت حايره شلون اتعامل وياه والله خبلني ..
سويت نفسي اعدل التچوه مال التخم وذبيت روحي بحضنه عساس وگعت ،
عَضيد: الله الله شلون فلم هندي
ـ هسه هندي اسباني مو مهم ، خلنتصالح
ـ گومي منا
ـ عضيد ! تهون عليك عيونـي ؟
ـ هنت عليچ انـه ؟
ـ لا
ـ گومي !!!
شفته حچه بـ نتر ، گمت منه شسويله بعد ، رحت للغرفه و طبگت الباب كل قوتي ..
عاط فضل من الصوت رحت أخذته وهو يبچي ،
ـ شبيك بس تبچي والله فگرتني
ـ مممممما
ـ اويلي فدوه اروح اني احسن من ابوك انتَ ، صدك العار يخلف نار
أنت تقرأ
مأوى الغربية
Randomمِن مَن تهرُب ؟ وكُل المَلاجِئ مُغلقـة ! بـ مَن تستنجـد ؟ وكُلهم وحَوش مستبلَدة .. مُتعطشين لـ أشبـاع انفُسهم فَتياتًا .. وأيـن هيَ تُلك البُقعة مِن العِراق مَحماها ؟ و مـاذا ستجِد بـ مُناسبة فـرحاً لأحَـد أثريـاء الغربيـة !
