Writer: حِوار آلـ سُليمان
أنثُـر لُطفـك بـ بارت رِوايتـي ..
لا تنسون التصويت والتفاعل بين الفقرات حَبيبيني ،
وّ بكيف الظـروف نعيـش مَحد عايـش بـ كيفه !
___________________
شـارع عريض مُبلـط وهواي بيوت ، لكن البيـوت چبيـرة لدرجة ..
وصلنـا لـ بيت سياجـه عالي وچبيـر ، بقت عيوني عليـه نكسرت رگبتـي على ضخامته ،
عبـرنـا امشي ورَه امي ، چان البـاب مفتوح وعبـارة عن زلم ..
الچـوبي يـدگ يدلـي الي متيـه بگد ما عالي !
هوسَة الزلـم وكُلهـا لابسـة دشاديش بيض وغـترة حَمـراء ويتفننـون بـ رقص الچـوبي ..
جرتنـي تجاههُم وهيَ تحچي بينما اني مدافهم شراح تسوي !!
_امشـي نضم روحـنا بين هـذولـة لان هواي زلـم راح نتيـه بينهـم .
لزمت ايدهـا بسرعه موقفتها ، احچي بـ خوف و خجل ..
_ويـن ولچ يمـه شلون نفـوت مدتشوفيـن الزلم ؟
باوعتّلي حايـرة ، ادري بيها لان خايفـة علينا و تايهـا هيچ دتتصـرف !
رَبيعة: هـذا چوبـي يعني هذولـه عدهم عرس ، همَ اعراسهم چبيـرة وهواي ناس تجي امشي نفوت عساس جاييـن ويه النسـوان ونبقى لحد ما يخلصون ونطلع لان هسه وين اروح بيچن !
_اخاف يلزمونـنا ؟ لچ يمـه اخاف يطلعون نفـس هذا الرجال !!
_حَتى لو نفسه ! احنـه بنص هوسة محد يحير بالخطف و الصخام .
_لا لا امشي نشوف غير مكان ، مو داگلچ خلي نأجر فندق !
_ما ارتاح للفنادق وگتلچ بس هاليـوم ونطلع هم ناكل ونگعد ويه الناس ونتونس .
_يمـه صدگ تحچين ؟ وين دتفكريـن !!
لزمـت ايـد ديريـن ومشت تجاه البيت وهيَ تحچي ،
_أبقـي إمَـامَـة هو شوصلنا لـ هالحال غيـرچ !
ما ضَل بـ أيـدي حل غير الحگهـا ،
رجعت أقنعها انُ ما نفوت لان محد يتأمن لكن قفلت ..
وگفنـا گدام البـاب بـ حيرة وهيَ مشت قبلي ، فزينا على صوت رجَال من ورانا يصيح ..
_اوگفـن ، مَا منـا تفـوت النساويـن .
گلبـي اتخربط من الخوف هسه يلزمنا هسه يگول انتن منـو !!
اتقـرب ومشى گدامنـا ، حچه بـ صوت عالي ،
_الحگنـي .
ضليت الطم خايفـة لا يروح خطفنا ، بس امـي مشت وراه تهف وترگص بـ حواجبها ..
أنت تقرأ
مأوى الغربية
De Todoمِن مَن تهرُب ؟ وكُل المَلاجِئ مُغلقـة ! بـ مَن تستنجـد ؟ وكُلهم وحَوش مستبلَدة .. مُتعطشين لـ أشبـاع انفُسهم فَتياتًا .. وأيـن هيَ تُلك البُقعة مِن العِراق مَحماها ؟ و مـاذا ستجِد بـ مُناسبة فـرحاً لأحَـد أثريـاء الغربيـة !
