Writer: حِوار آلـ سُليمان
أنثُـر لُطفـك بـ بارت رِوايتـي ..
لا تنسون التصويت والتفاعل بين الفقرات حَبيبيني ،
دَضم السّالفه وخَلي الحچي مسَتَر ، وخَلي بـ بالك انـي " انخسُـر " " ما اخسَـر "
_____________________
تَرى حچيهم ولواعيبهم ما تأثـر بيهم ، تَرى كلهن يزرفن بـ گلبـي !
مثـل ما هسَه واگف گدامـي ، يتشمت ، يضحَك ، يأمُر ، يطغى ، يظلم .. وكُلهـن بي !
دموعي ما توقفت و رجفتي تزداد ما تنقَص ، الأذيَه الي بگلبـي ثگيـله ، وكـل الهموم أحسهَن تجمعن سَوه ..
رَبيعة: ولككك شنو تسودنتتتت عَبدالله لا تتفرعن وانـي سويتك بـ فلوس اهلييييي
عَبدالله: ديَلا انعل ابوچ لابو حَتى اهلچ .
_مو بكيفك ما تتزوج أبـن اخوك العار لككك تريد بنتي تصير چنة السحَارة !
_سحَارة ولا منهزمـة عيني رَبيعة .
_مربع الي يربع راسك المربـع و بنتي ما تاخذ ابن اخوك و النبي اهـدمك واهدم البيت على راسك
_اششش لا تخبصيني .
_چان جبتتت الثلاجه مو تروح تبيعها لك خَلي الحچي مسَتَر عيني عَبدالله مو انزل تاريخ عائلتك مو بَس تاريخَك .
واستمَرت عركتهم واني اشهگ ! أي أبويَة من بعَد ما طلع عَضيد اجاني يگُلي ..
_هـذا الگـ*** الما ادري منين جايبته انعل والديچ إذا تزوجتي و غصبَاً عنچ تتزوجين نَجاح الي شلتَه امچ من وره سوالفچ .
كلامه يتردد بـ داخلي ويخلي گلبي يتقلص نَبضه ، دگاته اتخربطت وحالي كُله اتخربط ..
عفت المَكان و رحّت لغرفتي اسحَل بـ نفسي ، لاگانـي سَمير مبتسم ..
سَمير: حَيل بيچ أن شاء الله الازيَد .
ولأن مگطوع نفسي ما گدرت افتح حلگي وياه بكلمه ، اتخطيته ومّشيت دخلت وسَديت البّاب وانهاريت داخل هذِه الحيطان ..
بيمن افكـر وعليمن ابچي ؟
ابچي على دراستي ؟ لو على مصيبتي من وره نجاح الكلب ؟ لو عَلى حَبيب روحي ؟ لو على جوعنا ؟ لو على عضيد ألي خطبني ؟
لحظه إمَـامَـة !
أنتِ ما فكرتي من طلبتي منه المُساعدة بـ أي حَق راح يساعدچ ؟ اتصَرف هالتصرف وخطبچ حتى يساعدچ مو لسواد عيونچ !
ذبيت نفسي ونمّت ، ومثَل ما يگولون النوم الكثيّر " نَوم هَـم "
گعَدت وتذكرت الصَار ، گمت مفزوعه من مكاني إذا بقيت انام و ابچي شراح يفيد ؟
مُستحيل ابقى مربطه ايدي واشاهدهُم وهمَ يقضون عليَه !
أنت تقرأ
مأوى الغربية
Разноеمِن مَن تهرُب ؟ وكُل المَلاجِئ مُغلقـة ! بـ مَن تستنجـد ؟ وكُلهم وحَوش مستبلَدة .. مُتعطشين لـ أشبـاع انفُسهم فَتياتًا .. وأيـن هيَ تُلك البُقعة مِن العِراق مَحماها ؟ و مـاذا ستجِد بـ مُناسبة فـرحاً لأحَـد أثريـاء الغربيـة !
