مأوى الغربية

part 3

Writer: حِوار آلـ سُليمان

          انشر لُطفك في البَارت لطيفي

لا تنسون التصويت والتفاعل بين الفقرات حَبيبيني ،

أغمّضتهَـا كـي لا تفيّض فـ " امطـرَّت " !

                 __________________

بَيـنَ شكوكهُـم ، نعّيش نحنُ ..

جُنس حَـواء ، قواريـر أوصَى بِهـم رسَولنـا ،
رسَائل طمأنيـنة في القـرآن لَنـا ، رحَمـة وجَنـة لـ والدينـا ..

وكُل ذِلك !
لَم يكـن في عيونهّـم ، انهُم يدعسَوننـا بـ حِقد وكُـره واختِبـاء ..

وهيچ هيَچ ثبتت السالفه انُ محمد يحبني ، و مو بَس هيچ ! لا طلعت اني وحَده مو خوش ادميـه وعندي علاقـة بيه !

وتعاقبـت على ذنب اني لا بيـه ولا عليـه ، بالغرفـه محبوسه ، الحمام اطلع مَـره وحده والأكل بالختله امي تجيبه من يطلع أبويه وكُل ما تطخ بـ بالهم يجون يضربوني ويطلعون !!

إلَى أن بيـوم دخلت أمي مستعجله ،

رَبيعة: گومـي راح يجـون بيت عمچ وابـوچ يگول إذا حسوا على شي يجنزچ .

_وليش يجنزنـي من شنو خايف ؟؟

_خايـف على سمعتـچ لا تصيرين غبيه وأنتِ تعرفينهم القال والقلت عدهم أساس ..

_خو ابقى منچبـه بـ غرفتي شعندي نازله ؟

_امشي لا تعاندين ، قابل ما راح يسألون عليچ ؟ ويألفون الف سالفه دختصري الموضوع علينـا وعليچ .

باوعتلهّـا بـ حيرة ، كُـل الي هنا تفكيرهم عَقيـم ..

گمت لميت الهوسة وطبيت سبحَت ، طلعت وگفت على المرايا امشط بـ شعري ..

صفنت على روحي شعري نصه واگع و هواي فراغات صايره حتى گصتي كبرانه بسببه ..

من القهـر مدري من الضرب مدري من يا صخام !!

عيوني جواها أسَود وبشرتـي الحنطيه شاحبـه و وجهي عبارة عن عظام بسبب الضعف ،

نزلت دموعي مسحتهن ولميت شعـري ، نزلت لگيت امي تحضر بالغَـده وأبوي گاعـد لازم تليفونه ..

سويت نفسي ولا اشوفه وهو متجاهلني ، كملت كم شغله ويـه امي واندك البـاب ..

طلع ابويـه فتحه واني اباوع من شباك المطبخ ،

عَمي مُقتدى و ولده أثنين ، ناجح و فالح ، ومرت عمي و زوجة فالح ..

عوجت حلگي كارهتهم وروحي طالعه من شوفتهم ما ينطاقون ،

دخلـوا جَـوه وامي دفعت عليه السراحيه والگلاص ،

ربيعَة: روحـي انطيهم سم وزقنبوت ..