Writer: حِوار آلـ سُليمان
لا تنسون التصويت والتفاعل بين الفقرات حَبيبيني ؟
أُريد أن أصنع مَنزِلاً مَعك ،
تَسندهُ الضحكات
أن اطرز سَتائِر مَنزلي مِن عِناقاتُنا
وأملأهُ بـ وسائد مِن الطَمأنينه
تَغفو عليها احلامنا ويقيننا ..
ــــــــــــــــــــــــــــــــــــ
طلع عَضيد لـ لندن حتى يكمل هناك معاملته ومدري شنو حتى ياخذنا اني وفضل ،
لميت البيت سويت اكل و رحت لـ فضل مشغلتله " هالصيصان .. شُو حلوين "
ـ فضولي گوم اسبحك حَبيبي
ـ نو ماليد
ـ دگوم لك خايس مايريد مكيف على الجيفه
ـ نو خايس
ـ دخل يسمعونك عمامك تحچي بهالنعومه الا يدگولك طبل و يصخمون وجه ابوك
ـ وات از
لطمت على وجهي واخذته اسبحه غصباً عنه ، من كثر ما يباوع للافلام كارتون الاجنبيه و الاغاني مال اطفال الاجنبيه تعلم لغتهم أكثر من العربي ..
وبالرغم هالشي حلو بس ما يرضى يحچي عربي وهالشي يقلقني خاف يطلع مطي ..
بدلتله وهو صافن على التلفزيون على ساعه ينحول ، دگ تليفوني خليته على التخم و رحت لگيته رقم غريب ..
استغربت عبالي عضيد بس هذا رقم عراقي ، حرت اجاوبه لو لا !
خلصت الدگه ورجع يدگ مره ثانيه ، خفق گلبي خفت اكو شي بسرعه فتحت خط وبقيت ساكته ..
فززني صوت تنهيده و شخص حچه بـ قهر ،
ـ إمَامَة خويـه !
ـ سَميـر !!
ـ مشتاقلچ الله يشهد آسف على التقصير بس مستحي شلون اخابرچ
بقيت ساكته و عيوني غرغرت بالدموع ، اتذكر شلون جان يعاملني وأتذكر شلون ما سأل عليه و يحاچيني هسه بهالحنيه !
ـ ما راح تحچين والله اسف والله گلبي متلوع عليچ
ـ شلونك
ـ مو زين مو زين اريد احاچيچ اريد ارجع اشوفچ بـ بيتنا اني اذيتچ بس حسيت بقيمتچ من اول اسبوع رحتي والله
ـ شغيرك سَمير ترى إذا جاي على مصلحه صدگني ما تحصل مني شي اصلا اني بالعراق ما باقيه راح انگلع
ـ احلفلچ بـ راس الحسين مو مصلحه ولچ والله اني ندمان حيل ندمان اريدچ تسامحيني ليلي مدا انامه من كثر ما مشتاقلچ ولچ أنتِ اختي من لحمي ودمي لو شيصير ما اكرهچ
ـ مسامحتك اني كلشي صار من الماضي والزعل لا يقدم ولا يأخر و الله فوگانه على الأقل سجلي كم حسنه من سامحتك
أنت تقرأ
مأوى الغربية
Randomمِن مَن تهرُب ؟ وكُل المَلاجِئ مُغلقـة ! بـ مَن تستنجـد ؟ وكُلهم وحَوش مستبلَدة .. مُتعطشين لـ أشبـاع انفُسهم فَتياتًا .. وأيـن هيَ تُلك البُقعة مِن العِراق مَحماها ؟ و مـاذا ستجِد بـ مُناسبة فـرحاً لأحَـد أثريـاء الغربيـة !
