Writer: حِوار آلـ سُليمان
لا تنسون التصويت والتفاعل بين الفقرات حَبيبيني ؟
لَقد نَجى من الغرق ، لكن بَقى البحّر بـ عينيهِ !
______________________
وصَبح الصُبح ألي چنت أرتعّد خوف مِنه !
گمت غسلت وجهي واتجهت للصاله لگيت امي مخليه أيدها على خَدها وصافنه ، أعرفها حايرة لكن هيَ غلطها چبيـر !
_شفتي ماما ؟ دفعتي وانشَل وشردنا وصارت علينا نقطه سوده ورجعونا بـ ضيم أتعس من القبله و هسه راح يزوجوني غصُب اله ، شنو فاد تصرفچ !!
_أششش راسي داخ واني افكـر بيچ و حايرة شلون احلها لا تخليني اگوم اگطع النعال على راسچ
_لو ما شاردين بس هاي أتمناها ..
باوعتلي وعيونها تنبَع لمعات حايرة ، بلعت ريگي وگعدت من الصداع الي اجتاحني من اتذكرت العقد اليوم !!!
اتقدمت يَمي مسحت على أيدي وحچت بـ حنية ..
_اسويلچ ريوگ ؟
_لا منين تجيني الشَهيه على هذا القهر !
_أخابر خوالچ ؟ نشردلهم ؟؟
_يلا روحي وارجعي على الشرده شنو ماما ما تبتي ؟ هالمره منعونا عن الأكل وشبعنا تكفخ المره الثانيه يذبحونـا عكس القبلة !
_لعد شلوووون !!!
_وهَم لا تنسين خوالي شَسووا ! على الورث حاربوچ !
_كافي إمَامَة كافي !!!
سديت حلگي و اني وياها حايرين بـ كثير اشياء !
گمت من مَكاني وهيَ باوعتلي مِستغربه ، بللت شفايفي و حچيت ثاقه ..
_طَلابـه عجزنا عن حلها يحّلها أبو فاضل .
_انخّي ما يقصر الكفيـل .
مشيت تجاه صَورة الامام العَباس بـ استقبالنا وكُلني فخَر ، كُل ما أنخَى العباس ما يرجعني خايبه !!
وگفت گدامها وقشعر جسمي لـ أسمَه " قمَر العَشيـرة أبا الفضّل العَباس "
تلمسَت نهاية الصَورة و حچيت بـ توسُل ..
_مَحد مثل شَجاعتك كفيـل زينب أريد منك تكفلني بهالموضوع أحلفَك بـ خدر زينب .
وبَس هذن الكلمات ، بَس هذن يحَلن أكبر شبچه ،
و بهاللحظه حَسيت بـ راحة ، تأكدت الامام ما راح يترُكني !!
رجعت مبتسمة شفت امي وديريـن گاعدات يسولفن ،
ديـرين: هيَ شنيه شوكت نطلع نشوف الناس شوكت ما اشوفكم بهالبيت عمي اطلعوا اتونسَوا
أنت تقرأ
مأوى الغربية
Acakمِن مَن تهرُب ؟ وكُل المَلاجِئ مُغلقـة ! بـ مَن تستنجـد ؟ وكُلهم وحَوش مستبلَدة .. مُتعطشين لـ أشبـاع انفُسهم فَتياتًا .. وأيـن هيَ تُلك البُقعة مِن العِراق مَحماها ؟ و مـاذا ستجِد بـ مُناسبة فـرحاً لأحَـد أثريـاء الغربيـة !
