Writer: حِوار آلـ سُليمان
لا تنسون التصويت والتفاعل بين الفقرات حَبيبيني ؟
أضُم عيوني لـ عيونَك وانتَ عيونك لـ غيري ؟
ـــــــــــــــــــــــــــــ
بَين هاي الوحوش ، لا مو وحوش !
هذَولة اهلي !!!
أهلي الي عشت بينهم ، أهلي الي طلعت من دَمهم ، أهلي نفسهم الباعوني علمود الفلوس !
وهذَا الغريب ، الغَريب الي أشتراني !
الغَريب الي أحتواني ، الغَريب الي قدملي أشياء هوايَ كُلش هوايَ !
هذيچ بَغداد الباعتني و هسه الانبَـار أحتوتني ..
كُل دمعة تنزل ما تنزل صافيه ، تنزل وياها الف كسرة و الف جَرح و الف قَهرة !
و تچوي خدي ، احسها تزرف جلدي من كثر ما حَاره ، وتجّي هذيچ الايد الحَنينه تمسحها ،
و يبوس مكان كُل دَمعة ، و يحاول يمحي أي جَرح و يشيل أي حزن يمُر عليه ..
ـ كافـي تبچيـن دوهنتيني
ـ عَضيد ليش هيچ يسوون ؟
ـ نگسين
ـ هذيچ گعداتنا الحلوه بسرعه نسوها ؟
ـ اعوضچ عنها بـ ألف فرحة بس انسيهم
ـ ما اگدر ولك ياريت الكسرة من الغريب بس هايَ من أبويه !
ـ اروح انعَل والديه ؟؟؟
ـ عوفه حَتى لو مأذيني گلبي ما ينطيني يصيرله شي
ـ إيمو هساعَ انتِ عش هيچ مقهوره ؟ ضايجه لان باقيه يمي ؟؟
ـ لا اني محظوظه لان باقيه يمك !
ـ كافي لعد الفلوس هنَ و ابوهن جوه قندرتي
ـ چا و روحي الرخَصوها ؟
ـ اشتريچ بعمري و عمر شيوخ الغربية كلها .
ـ خليك يمي عَضيد ..
ـ للموت .
مسح دموعي و باسني و غطاني ، ارجف من لا شيء و اسمع صوت امي تريد تفوت لكن هوَ يمعنها ..
فات وهو جايبلي اكل ، گعدني و باوعتله بنضره " ما اريد " وبدون ما اتعب نفسي و احچي لان هو يفهمني ..
ـ نچبي وگومـي
ـ ما جوعانه
ـ انـه جوعان
ـ أي اكل ؟
ـ و اعوف ولفي بلايه أكله ؟
ـ عوف الحنيه غيرك شحصلوا منها
أنت تقرأ
مأوى الغربية
Randomمِن مَن تهرُب ؟ وكُل المَلاجِئ مُغلقـة ! بـ مَن تستنجـد ؟ وكُلهم وحَوش مستبلَدة .. مُتعطشين لـ أشبـاع انفُسهم فَتياتًا .. وأيـن هيَ تُلك البُقعة مِن العِراق مَحماها ؟ و مـاذا ستجِد بـ مُناسبة فـرحاً لأحَـد أثريـاء الغربيـة !
