مأوى الغربية

part 25

Writer: حِوار آلـ سُليمان

لا تنسون التصويت والتفاعل بين الفقرات حَبيبيني ؟

شيفيّد زَرعك بَعد ؟ " طَارن فراشاتيّ " .

ــــــــــــــــــــــــــــــــــــــــــــــ

وفَي ذلك الصَباح المُوتَر ، و الانيَاب المُحتدَه ، و التحضُر للكَونه ، صَار صوت طرقات على البَاب ..

ابتلعت ريگي و درت بـ عيوني على الموجودين ، عَمي سليمان الي يهَدي بـ بسمه علمود ابنهم الي متخبل ..

و جَدي الي متخبل من تصرفات رَحيم ، و باقي البيت ألي لا همَ متدخلين و حالينها ولا همَ ساكتين باقين بين نارين ..

فَرحان: هالسَاقـ* انـه اعرف شني علاجّـو

سليمان: بويـه هو يحبها و هيَ بنت عمو عليش واگف بـ طريقهم ؟؟

وهنا قنبلة انفجرت ، جدي الي صَار ضد حتى ابنـو ! و الباب الي مستمر ينطرق ..

الى أن انفتح وحَدو و ظهر مِنو رَحيم مبتسم بـ استفزاز ..

رَحيم: شهالاحترامـات يَول فلشت الباب شنهي طرشان ؟

فرحان: يَول خاف بـ داخلي شوي رضى على موضوعك هساعَ هاهيَ اگطع الامل و تچفي الشر و الانبـار لا تفوتلها بَعد .

ـ اوي حجي شنهي هالحچي الخشن هيَ الانبار مشتريها بفلوس الخلفوك تـا تمنعني عنها ؟

ـ اطلعععع بَرى اطللععععع و حگ العباس راح ارتكب بيك جريمممه

ـ جايك اهيس جوابك ، اكيد بَعد تفكير ومهله طويله انطيتك ليلة كامله تـا تفكر و تدحگ احوالك و أحوال بيتك و احفادك ، اسبوع الجاي العقد ها ؟

ـ مو بكيفككك رِهام ما تطلع عروسة الك يَول و الحسين احرگك انتَ وياها و اخلص روحي من هالطلابه

ـ هساعَ انتَ عليش هالكثـر غيران ؟

ـ رَحييييم اخر نوبـه اگلك اطلع بَرى ولا تشوفني وجهك و الموضوع اذا فتحته بعد اذبحك و اخلص منك .

ـ افـا يـ حجي شنهي نسيت كلامي أمس ؟ انـه انطيتك حچايه أسويها دمايـه وهساعَ انتَ جبرتني .

دار ظهره وطلَع و جدي بقى منهار يصيح و يغلط و يكسر و لعب جوله بالبيت ..

دموعي تنزل و الغصه معتليه بَلعومي ، طب جدي لـ حجرتو و انـه گعدت على حيلي ارجف ، الكل عيونهم عليه لكن مَحد تدخل فقط عَمي سليمان الي گعد يمي يمسح على راسي و يحچي ..

سليمان: هَدي بـويه هوَ يحبچ و يسوي كل شي تـا تصيرين الـو .

گام مني من سمع بـ الهوسة الغريبه الي بدت تطغي على المكان ..