မြို့အုပ်မင်းရဲ့ဦးလေးဖြစ်သူလာသွားကတည်းက သက်မြဲတည်တစ်ယောက် စိတ်လုံခြုံမှုတို့ကင်းမဲ့နေတာဖြစ်ပြီး တစ်ခါတစ်လေဆိုခပ်တွေတွေဖြင့် အတွေးတွေဖြန့်ကျက်နေတတ်သည်။မကြာခင်မှာ အဲလက်စ်ရဲ့အကြောင်းတွေကို သူအကုန်သေချာနားလည်တော့မလိုခံစားရသည်။ရောက်စကတည်းက အိပ်မက်ထဲမှာမြင်ခဲ့ရတဲ့လျှပ်တပြတ်ပုံရိပ်တွေကို အဆက်အစပ်ရှိအောင်ချိတ်ဆက်ကြည့်ရင်း ပုံဖော်နေရသည်မို့ သက်မြဲတည်ခင်မျာ တစ်နေကုန် စိတ်နဲ့လူနဲ့မကပ်နိုင်ပေ။
"အဲလက်စ်..."
"အဲလက်စ်.."
"ဗျ!"
"ဟာ အဲလက်စ် ကိုယ်ခေါ်နေတာကိုတောင်မကြားဘူးပဲ။ဘာတွေများအတွေးလွန်နေတာလဲ။"
"အာ မဟုတ်ပါဘူး ကျွန်တော်အခုတလောနည်းနည်းပင်ပန်းနေလို့ဖြစ်မယ်။စိတ်နဲ့လူနဲ့သိပ်မကပ်ချင်ဘူး....ဒါနဲ့ ကိုလွင်မင်းခေါင်က ဒီကိုဘာကိစ္စရှိလို့လဲဗျ။"
အိမ်တော်ရဲ့ဧည့်ခန်းထဲမှာထိုင်နေတဲ့
သက်မြဲတည်နားကို၀င်ထိုင်လိုက်တဲ့လွင်မင်းခေါင်ကို သူတကယ်သတိမထားမိလိုက်တာဖြစ်သည်။
"ဪ အထွေအထူးတော့မရှိပါဘူး
မြို့အုပ်မင်းနဲ့ကိစ္စလေးအချို့ရှိရုံပါဗျာ။"
"ဪ ဟုတ်။"
ထိုမျှသာပြောပြီးဘာမှထပ်ပြီးတုန့်ပြန်ခြင်းမရှိတော့သည့်သက်မြဲတည်အား ဘေးကနေ ထိုင်ငေးကာ စကားစတွေရှာဖို့ကြိုးစားသည်။
လွင်မင်းခေါင်ဘ၀မှာ ဒီကောင်လေးနဲ့ကျမှ ကို့ရို့ကားယားဖြစ်ရပြီး ပြောစရာတို့လည်းတကူးတကလိုက်ရှာနေရသည်။သူ့လိုပညာတတ် ဆရာ၀န်တစ်ယောက်ကို ရင်းနှီးသိကျွမ်းချင်သူတွေအများကြီးထဲမှာမှ လွင်မင်းခေါင်က သူ့အပေါ်အာရုံစိုက်မှုအနည်းငယ်တောင် မမျှဝေတဲ့ ဒီကောင်လေးကိုမှ အထူးတလည်အာရုံစိုက်ပြီး တစ်မျိုးတစ်မည်ခံစားရတာဖြစ်သည်။
အဲလက်စ်နှင့်မြို့အုပ်မင်းတို့အိမ်ထောင်ရေးမှာလည်း သူသိသလောက်ဆို အစေးကပ်နေကြတာတော့မဟုတ်။ကောလဟလတွေအရ ကွာရှင်းထားသည်ဆိုသည်မှာလည်းမှန်နိုင်ချေရှိသည်။အကယ်လို့များ သူ့မှာ အခွင့်အရေးသာရှိမယ်ဆို ဒီကောင်လေးကို သူ့အနားမှာထားပြီး ချစ်မေတ္တာတွေဝေမျှပေးဖို့ အတွေးရှိပါသည်။
YOU ARE READING
သစ္စာမြဲစေ ချစ်သက်သေ(သစၥာၿမဲေစ ခ်စ္သက္ေသ)
Historical Fiction၂၀၃၅ကနေ ၁၉၄၂ခုနှစ်ကိုရောက်ရှိလာတဲ့ ကောင်လေးတစ်ယောက်...၁၉၄၂ခုနှစ်ကအိမ်ထောင်ရေးအရှုပ်အထွေးတွေနဲ့ နာကျင်စရာမှတ်ဥာဏ်တွေ...မြို့အုပ်မင်းနဲ့ယူထားတဲ့ထိုကောင်လေးဟာ အချစ်မခံရဘဲ ဆိုး၀ါးတဲ့အဖြစ်အပျက်တွေကြုံခဲ့ရပြီးနောက် သေဆုံးခြင်းလမ်းမှာ လူတစ်ယောက်နဲ့အတူ ကံကြ...
