المارشال (متوقفة حاليا )

البارت : 07

۞ ما خلــف ستار العشق ۞

📌: 𝐂𝐡𝐚𝐝𝐢𝐚_𝐚𝐫𝐢𝐟

♟️لســــتُ عظِــــيم ، لَكـِـــــن أترك بكِ آثــــــــراً لـاَ يُنسَـــى♟️

البـــــارت : 7. #

ناضو بشويا من تم شاد فيها معاونها .. وشعرها الكحل عاطي اللمعة ديالو مع الضو ديال القمر..

بقات واقفا حدا الشامبر ساهية حتى حسات بشي حد وقف حداها.. تانطقات عاطياه بظهرها : همم انت عاوتاني

ليث:(جرها من ذراعها) اجي نهضر معاك

بلقيس : غااااادي ضور فحالك و لا نجمع عليك أمة محمد

زير على ذراعها مزير عليهاااا: شوفي غادي تقادي فمك ولا نحطو لأصلك هناااااياااا

بلقيس : حيد يديك... ايييي حيد يدييييك عليا

ليث : (زاد زير وفكو تزير بالعصاب) غاصبري عليا و نوريك شكون هو ليث غااااااصبرييي

دفعها بجهد حتى جات على الباب.. وخرج مخليها تما

من ورا سيمانا #

كانت جالسا فبيتها مع ماماها كتعطيها تأكل باش تاخذ دواها.. وزهرة مغطيا نصها بليزار بيض مورد وريدات فالغوز.. ولاويا زيف حياتي على رأسها و فخضها كلو زرق.. من العصا لي كالت.. مغاديش يدوزوها ليها بطبيعة الحال.. دير ديك شوهة كاملها ودخل لدار سالمة

هزات تيلفونها لي وصل فيه شي ميساج فاش سمعات شي نوتفيكاسيون.. حلات عينيها بجهد طالقاها بغوتة.. خلات مها مصدومة فيها وقلبها تهز وتحط مع كبدتها

بلقيس : ومامااااااا عيطو عليا فالجامعة وماماااااا

طلقاتها زهرة بواحد تزغريتة واخا ما عندها جهد .. وهي تجر بنتها تحت باطها بايساهاا : الله عليك ابنتي ياربييييي يسر ليك ياربي

حطات رأسها فصدر ماماها كتبكي بحرقة.. واش الدنيا دابا حلات ليها عينيها باش حتى هي تبني مستقبلها
ولا كتمهد ليها لشي كارثة ماعالم بيها غير الله

زيرات على البيجاما ديال مها وكنتنخصص بحال شي درية صغيرة.. وزهرة كتمسح على شعرها الحريري : ششش سكتي ابنتي خاصك تفرحي دابا... غادي تكملي قرايتك فالجامعة لي كتحلمي بيها من صغرك.. شتي ابنتي ربي عمرو يضيع عبد من عبادنا كل واحد كيتخلص غير الإنسان يصبر كيف ما صبرو الرسل لي حسن منا

مسحات دموعها دغيا وترجع خنونتها وقتما بغات طيح لنيفها.. وضحك بحال شي هبيلة مخليا مها تاهي مشاركها الصحك على منظرها

ناضت تحت إصرار زهرة.. دخلات دوشات بالخف وخرجات كتنشف شعرها بالفوطة.. هزات واحد صاية ديال ثوب فيها فريفرات من التحت فاللون البيض..وقميجة كتجي تحت الصدر شويا وكمامها منفوخين.. لبسات كونفيرص فالبيض حتى هي ودارت عكر خفيف وماسكارا مجبدا رموشها لي اصلا طوال ومع الماسكارا زادو تفرزو لي شاف دوك العينين يتشهاها.. اه بالعينين والراجل يقدر يتشها المرأة ... رشات بريحة ديالها لي موالفا.. ريحة كتخليها منتاعشة وكتحسسها بالحرية تامة

هزات صاكها لي كانت ماماها مصاوباه ليها من القيطان وقربات حداها : ماما عفاك منبغيكش تخرجي من البيت... غادي نضور لخالتي نجود تجي تبقا معاك بالخف

زهرة :( دايرا يديها على شعر بنتها الكحل.. مبتاسمة ليها) واخ ما يكون غير خاطر بنتي.. ردي البال عفاك

باست ليها يديها وهي تخرج من تما.. خدات طاكسي كأسهل وسيلة باش توصل دغيا

كانت واقفا قدام الجامعة لي أشبه بشي قصر وسط المدينة .. هادشي كتشوفو غير فالافلام والمسلسلات عمرها حتى تخايلات تجي هنا.. جامعة بأحسن التصميم الخارجي محتارمة جميع معايير التصميم .. تنفسات بشوية شادا على صاكها.. وعينيها فالأرض.. غافلة على شعرها لي بلل ديك صاية من لور حينت خرجات بيه فازكَ.. والصايا مع بيضة مخليا سترينغ كيبان ولي دازت من حداه يلعق شفايفو بشهوة

معرفات منين تدخل ولا منين تخرج حتى تضربات مع شي بنات.. علاات عينيها فيهم مقصحة.. وفنفس الوقت كتمسد على ذراعها

بلقيس : اا.. سمحوليا

نزلات عينيها عاوتاني.. وبطبعها هي حشومية.. واخا موقف ميستاهلش دغيا حمارو حناكها.. حتى قربات منها واحد البنت.. لي كانت لابسا كسوة لاصقا عليها فالموطارد وشعرها مبوكلي حد كتافها.. وطالون مزين رجليها ومريح فالنظرة ليه : واش انتي بخير بعداااا

بلقيس ( هزات عينيها فيها) : اه اختي اه انا بخير.. سمحوليا

ماشي وقت سمحوليا ولا سمحيليا.. خليني نشوف
ليك يديك:

منعاتها بلقيس دغيا مبعدها عليها .. بان ليها الحمام وهي تدخل هربانة منهم.. مبغاتهمش يشوفو لحمها المطبع.. يكفي انهم رآه غا يعرفو من اينا طبقة هي ومغاديش يخليوها فراحتها.. عاد يعرفوها كااتكل العصا..

#يتبع..

******************

خليو رأيكم حاليا غانحبس شي أيام حتى نشوف القصة بعدا واش تماشات معاكم واش بغيتوها واش رأيكم فيها وفاش نرجع لا لقيت شوية تفاعل ماطلباش بزاف غير ناس يكونو قلال معايا وغادي نرجع نحط ليكم الأجزاء إن شاء الله 🎀✨

كاينين شي ناس فالفايسبوك كيقولو ليا حطي فيه مع الاسف انا حاليا تخليت على هاد الفكرة غير سمحوليا ممكن ترجع شي نهار ولكن حاليا لا حتى انا بغيت نبقا كل دقيقة نهضر معاكم فتعاليق والبوسطات ولكن اعتذر حاليا ❤️✨