المارشال (متوقفة حاليا )

البارت : 28

۞  ما خلــف ستار العشق  ۞

📌: 𝐂𝐡𝐚𝐝𝐢𝐚_𝐚𝐫𝐢𝐟

♟️لســــتُ عظِــــيم ، لَكـِـــــن أترك بكِ آثــــــــراً لـاَ يُنسَـــى♟️

                                 البـــــارت :  28. #

صبحات الشميسة مضويا على غير عادتها.. يلاه وصلو لدربهم كلشي ناعس ومطرق عليه شراجمو.. السطوحة عامرين بالنشير والريح كيضرب فيهم .. تنهدات فاش تفكرات بلي مقالتش لماماها انها تهرسات.. وغادي دير ليها كثر ما دارت نجود لختها.. وكلات أمرها لله  ولي ليها ليها..

هبطوها قدام الدار وما تحركو حتى حلات الباب ودخلات.. تسمعو طقطقات ديال العكاز وهي كتجاهد دخل غير للصالون.. مع هزات عويناتها بانت ليها ماماها نازلا غير شافت الكَبص فرجليها وختال توازنها

بلقيس ( طلقات العكاز وهي طيح وبدات كتغوت) : مااااااااااماااااااااا

زهرة ( شدات فراسها بزز ومشات عند بنتها) : ش.. شنو  وقع ليك.. شنوو

بلقيس : ماما.. اجي عندي ( كتبكي وكتحل ذراعها مشتاقة تحط رأسها على صدر ماماها) اجيي اماما توحشتكككك

زهرة ( طاحت على الأرض حداها وشداتها من راسها كتبوسو ليها وتحضن عليها كثر). : بغاو يرزيييوني فيييك بغاااااو يرزيييوني

بلقيس : عفاك اماما عفااااك صافي عيييت عفاك.. ماما بغيت نعيش هانيا وبغيت خويا معانا ونمشيو فحالنا نبداو من جديد عفاك اماما.. بغيت خويا واش مامنحقناش نتجمعو.. مابقيتش بغا شي واحد يهيييينا

بلقيس فاش تفكرات الحادث لي وقع ليها فالبلاد رجعات كلشي لنقص لي عندها.. يمكن لا كان عندها باباها موحال قاع واش يخليها تسافر وممكن لا عندها خوها غايمشي معاها يحميها.. ماكانش يخليها عرضة لذياب ديال زنقة كلشي ممكن.. ولكن هي لا هي بنت وماماها مرا وااااش غاتقد تكون اب وام ليها... صعيب وبزاف باش تجيب طرف ديال الخبز فما بالك تحقق ليها المطالب ديالها

خشات رأسها فصدر ماماها تاتبكي وشهقاتها ولاو مسموعين... كيقولو قطرة بقطرة كيفيض الكأس.. وفاش تهرسات ومن من!!.. من عند وليد ماقدراتش تفكر حتى انه دارها.. واخا معارت شنو دير مايدفعهاش مايكونش سبب فالألم ديالها..

داز الصباح فالمعاودات وزهرة كتحلف عليه تمشي ليه والله لا دوزاتها ليه.. عوينة وحدة كلشي باغي يأديها لا حنين لا رحيم عليها لقاوها وبداو ينهشوها

فبلاصة خرا وبالضبط فالسبيطار لي كانت فيه زهرة.. دخلات كتهجج عليهم.. سولات على سميتو وكنيتو.. وقصدات المكتب ديالو.. ردخات الباب حتى دار وهي دخل عندوو :لا ولات سيباااااااا فالبلاد القواد لي حطككككك.. شكون يتصحابك راسك شكووووون... انت اعيفة الرجال تحط يديك على صاحبتي

وليد ما فهم والو حدو حط ستيلو لي فيديه وناض ليها : اش واقع شهاد دخلة ديال شماااكرية

ضياء دغيا ستافزها بديك الجملة لي قال وهي تسلت الطالون ديالها ما حساتش حتى ضرباتو لراسو وخلات دم كيطوش : هاااادي العربون ديال شمااااكرية يا زاامل لي حطك... باقي ما ساليناش الحساب نوري لمككك تحكَر على ولية

خرجات بالجرا من جهة طواليطات مخلياه كيغوت.. الضربة لي عطاتو جاتو فراس دوخاتو.. كان بإمكانو يشدها ولكن داااخ عينيه جاتهم ضبابة

قاع الأطباء تجمعو عليه كيحاولو يشوفو ماللو وهو ولا حمر ماشي من حر الضربة وإنما من الشمتة ومارضااااش.. هي مشات خرجات شدات طاكسي نيشان لعند صاحبتها..

#يتبع

غانتعطل عليكم واحد شوي ماتنعسووش❌❌🔥

باااقييين 3 ديال لي بارت نعدلهم ونجي عندكم