المارشال (متوقفة حاليا )

البارت : 36

۞  ما خلــف ستار العشق  ۞

📌: 𝐂𝐡𝐚𝐝𝐢𝐚_𝐚𝐫𝐢𝐟

♟️لســــتُ عظِــــيم ، لَكـِـــــن أترك بكِ آثــــــــراً لـاَ يُنسَـــى♟️

                              البـــــارت :  36.#

صبح الصباح وكل واحد وفين مجليا بيه القنت.. نمشيو بالضبط لمطار كازا.. كان هابط من طيارة للخطوط المغربية.. والمطار كلو كيعلن على وصول طائرة الإمارات درجة رجال الأعمال.. بقا وااقف كيستنشق ريحة البلاد لي توحشها والجو الخاص غير بالمغرب..

دخل كيتسنا الباكَاج ديالو بعدما عطاهم باسبور ودوز الإجراءات اللازمة.. بانو ليه باليزاتو وهزهم نيشان قاصد دارهم فيه الموت ديال العيا وتوحش عائلتو شحال هادي ما بقا شافهم

جبد تيلفون بايشوف ساعة وهو يلقاها 4 العشيا بتوقيت الإمارات زفر حينت مازال ماصيبوش على حساب المغرب.. هز راسو وهو يلقا راسو وصل لدرب

كيدق بشويا فالباب وبلقيس جايا كتعرج بغات تمشي تشوف ضياء لي مجاوباتهاش البارح وماشي من عوايدها.. مع حلات الباب وهي يبان ليها طلقات العكاز كتغوت ودغيا شدها من خصرها ضربات مع صدرو

عنقاتو بحر جهدها كتشم ريحتو وكتبكي توحشاتو بزاف

بلقيس ( كتبكي وكتنخصص معنقاه) : باااابي خالي زوين

قهقه عريف على جملتها وباس ليها رأسها.. وهي فحضنو دخل باليزات ديالو وهزها بين يديه لصالون

عريف : فين مالين دار

بلقيس : كنشرب واحد الكالمون كينعسني.. فاش نضت مالقيتهمش كلهم

عريف ( جرها ليه معنقها من خصرها  و كيبوس رأسها) : بنتي كبرات وتبارك الله ولات تفتن.. كاينا شي قرايا ولا والو

بلقيس : اوف كورس بابي كاينا غير ستادينغ (الدراسة)

عريف : هانا على بنت ختي  تمجهدات لونغلي وداكشي

بلقيس ( باستو فخدو) : من أحسن خال نتعلم

عريف بمتابة الاب الروحي لبلقيس واخا ماشي الاب البيولوجي طبعا  ولكن فاش لقات رأسها بلا اب وغير مع ذياب ومها كطيح وكتنوض عريف هو لي كبرها مع ختو حتى وصلات لكوليج  ومشا الإمارات كمل قرايتو على إدارة الأعمال تما وخدم.. هو عارف أنّ خوتو قاصحين معاها ولكن معندو مايدير عيا ينوضها معاهم عيا يوصيهم بلي هاديك بنت ختهم يديروها بنتهم هي مضرورة من جانب كبير لي هو جانب الاب .. بغات شي ذكر لي يبادلها العاطفة ديالها بشكل نقي وهادشي كينطابق على خوالها.. داكشي باش بلقيس كتعيط عليه بابا او بابي

حل واحد الباليزة وجبد منها دي ساشي بزاف وهي كتشوف فيه حتى نطق : هادشي ديالك افريفيرة.. هنا شي كساوي شورطات وشي لعيبات.. الصيف هذا وغادي نسافرو..

نقزات من فوق سداري بفرحة : يس يس.. شتي انت لي كاين ومكاين ما حسن.. ناري كون مكنتيش خالي والله تا نتزوجك

عريف ( بقهقهات) : ايوا هادي غلطات فيها الواليدة
صراحة

.. ..

فواحد لاكاف  كان كلو مظلم و مهجور.. قريب للسقف كاينين شراجم مهرس ليهم زاج ديالهم.. شي طبالي مهرسين بولات كيطفيو ويشعلو مخلين البلاصة كتزيد رعب.. والريحة خانزا بحال ريحة جيفة تقول غير رواح مقتولين 

كانت ناعسة على واحد البياص مخدرة ويديها ورجليها مربوطين.. بدأت كتسترجع الوعي ديالها بلا ما تحل عينيها حتى كتسمع الهضرة فوق راسها

: واش مغاديش تبدأ مابغينهاش تفيق نيشان نبداو

: كيف كيف غاتحس فالحالات بزوج

هز واحد الموس معقم يلاه غايبدا وهو يهضر

: الميكات وجدتيهم والما القاطع جبتيه.. حفرتي فالغابة

: واش اصاحبييييي اول مرة نحلو شي جثة هز القلاوي داكشي لي خصنا منها وقطعها عرفنا كل جزء منها غادي نكبو عليه الما القاطع حتى يتفكك ويذوب ولي بقا يتدفن

ضياء محساتش برأسها حتى طلقات الما مخليا سروالها مبلل جاب الله مغطين تحتها بواحد ليزار فلبلوا سيال

#يتبع

..