المارشال (متوقفة حاليا )

البارت : 03

۞ ما خلــف ستار العشق ۞

📌: 𝐂𝐡𝐚𝐝𝐢𝐚_𝐚𝐫𝐢𝐟

♟️لســــتُ عظِــــيم ، لَكـِـــــن أترك بكِ آثــــــــراً لـاَ يُنسَـــى♟️

تشخشخات شي قرعة بجهد على رأس سمير حتى سال دمو واصل لديك المسكينة لتحتو.. باقي روحها فالوسط مازال ما طلعات عند مولانا وما بقات فالدنيا .. غرس ظفارو فعنقها من حر الضربة حتى سال د مها علاَّ عينيه جهة خوه عبد الرزاق مغدد عليه والعافية زاندا فالداخل ديالو

سمير : (بانفعال) أولد القحـ ـبة ضربننني انااااا أولد الواسعة

شدو من تيشورت ديالو المجرتل بجهد.. خاشي ليه راسو فالطابلة ديال الخشب لي كانو عليها شي كويسات وبراد أتاي باش كانو وازنين حديتهم .. هز واحد الفاز وهرسو ليه على راسو.. والغوات والحيحة نايضا بصوت مليكة

ولكن فلحظة كلشي تحبس بسباب زديف والضرب ديال الباب وصوت القرطاس لي تطلق فالهوا

حلوووو البااااب.. البوووووليس :

غير سمعات زهرة كلمة ديال البوليس.. ناضت كتسلت بشوياويديها على عنقها.. حتى دخلات لبيتهم هي وبنتها بلا حس و تا حد مجايب خبارها بلي تحركات.. هزات واحد مونطو ديال بلقيس وقربات ليها كتحيد عليها الغطا مفيقاها

بلقيس : ( حلات عينيها بتثاقل وكتصوط بعكَز النعاس).. وماماااا بعدييييي مني

زهرة : ( بهمس) نووووضي نووووضي ابنتي دغيا نوضي لا غا يجمعوووونا معاهم نوضي

بلقيس : ( بتذمر.. وكتنتر غير مع جنابها وعينيها منفوخين شويا ) مامااا هاد دراما ديال ليل قلت ليك حبسيها معايا... وماما

.. ولكن فلحظة سكتو من الهمس والتذمر ديالهم سامعين صوت خطوات قريب لجهة البيت .. شداتها دغيا ملبساها مونطوها وكتلبس حتى هي المونطو ديالها... جراااتها من ذراعها حالا الشرجم الكبير لي جا بحال شي ميني بالكون خصوصا كانو فالسفلي دغيا زربات على بنتها دفعاتها خارجا ... وهي من وراها .. طلقو رجليهم للريح ما وقفو حتى الشارع الكبير لي كان عامر ببنادم.. وصوت الكلاكسون مصدع دنيا

نرجعو للدار

دخل البوليسي هاز السلاح فيديها .. كيقلب ويبقشش حينت سمع التخرشيش والدرديف.. حتى كيبان ليه واحد الفار صغير خارج من تحت ناموسية معلي حاجبو بشويا.. وهو يتم راجع عند الشلة ديالو

كانت مليكة وولادها محاصرين من طرف البوليس .. دارو ليهم المينوط ليديهم.. وتا واحد من دوك جيران ما تجرأ اصلا يسول ولا يدافع.. مكاين غير لي يشتفا ويعطيهم فالدعاوي ..ولاد مليكة بالنسبة ليهم مثابة العذاب مكيتهناو مايخليو لي يتهنا .. كيبان ليك من وجاههم الفرح كأنهم تهناو من شي كرب باغين احيدوه عليهم.. وكلشي عيالات و رجالا .. دراري صغار كبار مجموعين غير كيشوفو

ركبوهم فسطافيط وتسمع داك الصوت ديالها كتعلن على الانطلاق .. وناس درب صاطو كأنه ولا واحد الفرج فديك الحومة.. والبداية الصعبة لواحد زوج ناس غادي يعيشو المـ ـوت فعز الحب ديالهم

ولكن شكون هما هاد زوج... ولا كاين شي ضحية هنا.. ولا غياديو الناس لي دايرين بيهم؟ ؟ تا واحد معارف من غير القدر لي حاطو سبحانه وتعالى فاللوح ديالهم

#يتبع

ها خالتي زهرة 🌸