المارشال (متوقفة حاليا )

البارت : 49

۞  ما خلــف ستار العشق  ۞

📌: 𝐂𝐡𝐚𝐝𝐢𝐚_𝐚𝐫𝐢𝐟

♟️لســــتُ عظِــــيم ، لَكـِـــــن أترك بكِ آثــــــــراً لـاَ يُنسَـــى♟️

                              البـــــارت :  49. #

فجهة أخرى..

دخلات عندو لشامبر  ديالو.. وهي تلمحو كيفاش ناعس.. على حساب ما قالت ليها طبيبة غير هي خرجات وهو ينوض يجعر عليهم عاوتاني.. بحالا كانت هي الكالمون ديالو..

جرات واحد الكرسي ديال العود وجلسات ليه حدا راسو.. حيدات صاكها القصير وتعدلات.. حطات صبيعاتها الرقاق على شعرو كدوزهم عليه حتى فاق وهي تبعد دغيا..

وليد ( بصوت باح) : رجعي يديك

ضياء ( كتفتف غير بوحدها) : احم لا راه غير بغيت نصاوب ليك شعرك.. وجيت طليت عليك كيف صبحتي

وليد ( جلس فوق البياص ماسح على وجهو) : صافا الحمد لله عطاوني شهر هنا.. ( هي بقات مركزة معاه حتى جرها حداه معنقها).. قولي ليا أ سلبة العيون كي درتي ليها..

ضياء (مصدومة) : اويلي والله ما درت شي حاجة..

وليد (بنبرة فاترة) : شش درتي

ضياء : كنقسم ليك ما درت..

وليد ( غمزها) :  نهار ثقبتي ليا راسي هاااا

ضياء : ياودي غير نفسناه ليك وصافي

قهقه من كلامها خاشيها فيه وزمجراتو الرجولية كيدلو على راحتو.. غاتسولو كيفاش وعلاش وامتا حتى هوما معرفوش.. ولكن الحاجة لي عارفين هي أنه ضياء لي طلقات الضو الأخضر فهاد العلاقة.. وهي لي لان قلبها على ما سمعات من عندو..

..  ..

كان باقي بنفس الوضعية كيتسنا جوابها ولكن هي مسمرة.. الدنيا ضارت بيها ما عرفات ترفض ما عرفات تقبل.. فكلتا الحالتين معرفاتش النتيجة ديال هادشي..

زهرة ( كتفرك يديها وتمتم) : بحالا زربتي اسي ناصر

ناصر (شد فيديها باليد لي اخويا بايسها ) : ما زربنا ما والو غادي نديرو الخطوبة ديالنا ونتعرفو كثر... اش قلتي دابا ؟؟

زهرة (تنفسات بعمق وهي تومي) : ا.. اه قابلة.. (ضحكات ودموع فعينيها... ناصر فهاد لحظة ركب ليها الخاتم  وهزها معنقها غافل على الأعين لي كتراقبو و عدسة الكاميرا كتزومي عليهم بزوج واخدا ليهم صور  حميمية)

#يتبع