المارشال (متوقفة حاليا )

البارت : 44

۞  ما خلــف ستار العشق  ۞

📌: 𝐂𝐡𝐚𝐝𝐢𝐚_𝐚𝐫𝐢𝐟

♟️لســــتُ عظِــــيم ، لَكـِـــــن أترك بكِ آثــــــــراً لـاَ يُنسَـــى♟️

                              البـــــارت :  44. #

^فيلا_العمراني^

كان فالكولوار ديال دار كيمشي و يجي .. و مريم غير تابعاه هو يمشي و هي وراه والو واش بغا يتشد ليها.. خشا يديه فشعرو شادو من جدر بالفقصة.. وبلا ما يشعر عطا لحيط حتى تشقق 

حيدر ( مغدد حاس بحالا شي واحد شمتو) : فييييين بنتتتتتتتك فيييين هضررييي

مريم ( بدات كتقلب عينيها) : اا معرفتش قالت ليا غاتلاقا مع صاحبتها

حيدر ( ماشعرش حتى قجها) : صاااااااحبتها صاحبتها... بنتتتتتتتك كان كيشلقمهاااااااا واحد قداااااام عيني كتسمعييييي ( طلقها حتى طاحت للارض) باغاها تجيب شي كرش بحالك مكاين لي يستررررها (ضرب واحد طابلة ديال زاج حتى تهرسات) بنتتتتتتتك غايوليو الفااااام يتحلووووو عليهااااا وعليااااااا

متكذبش لا قالت الما مهبطش ليها لركابي.. زحفات حتى لدروج وطلعات بزربا هربانة منو تزامنا مع دخول قسم

.. ..

دخل لدار و الابتسامة على وجهو.. كيتفكر الوقيتة لي دوز معاها شحال زوينة بحالها كتحلي الوقات.. ماشعرش حتى تلاحت ليه على ظهرو كتبوس  فعنقو وتهرو وهو منساجم معاها.. جرها حتى لصالون وتكاها بقا كيهر فيها وضحكاتها الانثوية واصلين لزنقة..

عنقها لصدرو وهي حطات رأسها عليه مبتاسمة كتحس بالدفء حداه ومعاه.. دارت  يديها على سرتو بينما هو كيلعب بشعرها

بلقيس ( عضات على شفايفها) : أمم بابي نسولك

عريف ( هز ليها وجهها بسبابة ديالو) : سولي ازين ديال العالم..

بلقيس :  واش حبيبتك هي بنت داك سيد حيدر

عريف ( عقد غوباشتو) : اش بينك وبينو فين كتعرفيه

بلقيس : كالم كالم ماي أنكل ( خالي).. رآه خوه هو مول الجامعة ديالي تعارفنا بسباب شي ظروف وصافي .. ودابا جاوبني واش هي؟

عريف ( لوا بعض من شعرها فصبعو ونطق) : اه بنتو هي حبيبتي

بلقيس ( هزات عويناتها الكبار فيه) : باباها واش كيعاملها مزيان

عريف ( صغر فيها عينيه) : وحنا مالنا

بلقيس : اوووف ا خالي مالك غير جاوب

عريف (صاط بزعافة شافها لصقاتو وهو يهضر) :  هي ماشي بنتو..

بلقيس (شهقات) :  هااا كيفاش

عريف: سكتينا هاد الهضرة تبقا هنا.. مها كانت مصاحبة مع واحد شماتة وفاش حملات تزوجات بمول الشي..عندهم فالعائلة البنت لا زنات كتمـ ـوت.. وبات هاد حيدر قرر يزوجها ليه باش يغطي عليها وفنفس الوقت كان باها عرض عليه واحد الأرض رآه كيستثمر فيها دابا

بلقيس ( تبورشات من هضرتو جهتها ) :  ظريفة ديك البنت كنا تلاقينا فالجامعة وضرباتني بالغلط وشحال بقات كطلب مني سماحة..

عريف : ايوا الله يرضي عليك هضرتنا تبقا هنا.. (حط يديه على ذراعها) شي نهار نعرفكم على بعضياتكم

بلقيس (باست ليه خدو) : شتي انت احسن بابي فالعالم (ناضت بزز وهو معاونها) انا نمشي نعاون ماما..

وما ليها وهز تيلفونو كيصوني ليها يشوفها كيف وصلات

#يتبع_

هدا كان من أجزاء البارح نسيت ما حطيتوش