المارشال (متوقفة حاليا )

البارت : 55

۞  ما خلــف ستار العشق  ۞

📌: 𝐂𝐡𝐚𝐝𝐢𝐚_𝐚𝐫𝐢𝐟

♟️لســــتُ عظِــــيم ، لَكـِـــــن أترك بكِ آثــــــــراً لـاَ يُنسَـــى♟️

                              البـــــارت :  55. #

دخلوه لوبيطال وهي كترعد فحضنو و تمتم غير بسميتو.. تحلف عليها حتى غير هبيلة.. ولكن شكون لي غايتقبل هادشي لي عاشتو هي .. وحدة كتقلب على خوها وكان قريب ليها وشحال وهي نافراه.. وشحال من مرة جا طلب منها سماحة.. و تدروكَا وبقات ليه فمعشيشة مخو لدرجة صور فيديو كيعتاذر منها مرة أخرى كيبين ليها بلي هي معاه فالوعي واللاوعي ديالو.. ولكن هي اش دارت نفخات ريشها عليه.. ياك هي كتبغي خوها باغا تهبال عليه.. علاش ما حسات بوالو وهو قريب ليها.. ما كان حتى شعور والو

شدها من خصرها قبل ما طيح.. ما حيلتو لراسو  ولا ليها.. هو لي يلاه خسر ولدو الولد لي مرزقوش ربي منو ولكن رزقو يربيه.. عرفو فاش قاصواا ان  روحو طلعات عند الله..

عنقها ليه بجهد مدخلها حدا قاعة العمليات.. جلسها فالكراسا لي كانو حداها لاصقين مع الحيط ممواطينش للارض.. حطات يديها لي باقا عامرا بدم خوها على قلبها

بلقيس ( كتدي وتجيب فراسها وعينيها حرقوها بالبكا) : عفاك اخويا ماتخلينيش عيت عيت انت علامن كنت عايشا.. عيت من الحقرة عيت من الرجال عيت من كلشي بغيتك غير انت عفاك بقا عايش

حيدر  كان واقف وراها حاط راسو على الحيط وكيشوف فيها وتاهو عينيه مكانوش قل منها.. حمرين كيف قطرة الدم.. حط يديه على سروال  تفكر بلي تا حد ما فراسو وهو يضور لناصر باش يعلم  مها..

حيدر ( خرج شويا مبعد عليها) : ناصر

ناصر (كيلبس مونطوه نيت كان غادي عندها) : أ الخوادري ياك لباس؟

حيدر: سير عند مامات بلقيس قوليها بنتك فسبيطار انا غا نصيفط لوكاليزاسيون

ناصر : ياك شيباس مكاين مالها... اش واقع أ حيدر اكما درتي ليها شي حاجة..

حيدر : سير جيب مها (قطع عليه وصيفط ليه لوكاليزاسيون عاد رجع عندها لقاها مرجعا رأسها لور)

حيدر ( كيمسح على شعرها) : بنتي ياك لباس

مكانش منها رد شافها كيفاش غارقا فعرقها.. هز ليها شعرها كيقيس ورا عنقها وهز ليها يديها ليسرا نفس الشي.. هرب منو اللون مرة أخرى ودغيا هزها كيجري بيها لجهة المستعجلات.. وهي حوايجها مبللين بالعرق وشعرها طايح على الخوا..

حطها على واحد البياص دارو خامية حاجبين عليه الرؤيا.. دابا ما حيلتو لبلقيس ولا ليث

.. ..

شاد بيسي قدامو كيعدل التصاور من ناحية الإضاءة.. وكاس ديال القهوة فيديه الأخرى.. طلع عينيه جهة الشرفة وعاود نزلهم كيشوف فالتصاور.. صيفطهم لواحد الايميل مبتاسم بجانبية وخلا جنبها رسالة.

"غذا نشر الخبر وأكد انه هذا ناصر خو المارشال.. "فلوسك رآه فحسابك

#يتبع