المارشال (متوقفة حاليا )

البارت : 22

     ۞  ما خلــف ستار العشق  ۞

📌: 𝐂𝐡𝐚𝐝𝐢𝐚_𝐚𝐫𝐢𝐟

♟️لســــتُ عظِــــيم ، لَكـِـــــن أترك بكِ آثــــــــراً لـاَ يُنسَـــى♟️

....

                                 البـــــارت :  22. #

طلعات نيشان لشامبر ديالها سادا عليها بساروت.. دخلات لدوش بقات فيه شي نص ساعة.. دارت كَوماج لحمها ونقات طوطو غير برزوار.. دارت ليه تاهو كَوماج ورطباتو عاد نقاتو  وعاودات رطباتو باش مايكحالش ليها ولا يختالف على لونو الطبيعي.. دغيا غسلات شعرها واخا طويل ولكن مكانش مزيت لأنه كل نهار كدوش هادي هي عادتها..

لوات عليها فوطة حد الفخاض وخرجات وشعرها لاويا عليه فوطة حتى هو ..سيقانها كلهم عريانين ولكن كانو راشيقين وهادشي ماشي غير هكذاك بطبيعة الحال الرياضة ديالها و الرقص لي كتمارس فالمعهد *رقص الباليه*جلسات قدام الماريا وخدات سيشوار كتنشف فشعرها.. كملاتو بالبلاك مصاوباه غير سامبل ورجعات شويا لور باش تجر المجر لي قدامها.. خدات المرطب لي كترطب بيه لحمها والبريو لي كدير باش يعطي لمعة فبعض البلايص فالجسد ديالها.. لي هي بدورها عارفا كل بلاصة وفين كتهرب العين.. هزات سبراي ديال لحم و واحد الكريم ديال رجلين مخلط مع العكر الفاسي وحطات هادشي قدامها باش تبدا التطبيق

ناضت من على الكرسي فاش كملات ..ومشات نيشان لقدام دريسينغ صغير ديالها.. كان بلاكار عصري جا شاد الحيط كامل ومحلول مافيهش البيبان.. عامر كلو طاجيرات ومجورا.. حاطا فيه قاع المستلزمات ديالها.. حوايجها.. صيكانها.. صبابطها.. ومجر جا وسطو كبير حاطا فيه غير ليزاكسيسوار..

طلقات عليها ديك الفوطة.. طالقا الحرية لجسدها الانثوي لي كان رياضي بإمتياز.. كتمتالك جسد الساعة الرملية.. كتاف مهزوزين صدر صغير ومدور.. والخصر مرسوم وفوسط كرشها واحد بيرسينغ ديال نقرة.. رجيلات بيضين والفخيضات بعاد على بعضياتهم يعني الحوض لاقي منين يتهوا.. حطات يديها على الدريسينغ كتفكر اش تلبس..

هزات دوبياس مشبكين فالكحل.. وهي كتفكر سمعات تيلفونها كيصوني.. هزاتو مبتاسمة.. كتشوف ابيل فيديو قاع دغيا دوزات الخط وحطاتو قدامها.. مازال حتى ما شافت فيه وهي تبدأ تسمع صوت تصفااار

قسم :  (بتذمر وفنفس الوقت باقا واحلا مع اش تلبس) شحال من مرة قلت ليك ماتبقاش تصفر فاش
تشوفني وااااه

شاف فيها وهو فيدو فنجان ديال القهوة.. لابس سروال ديال توب وفوقو عريان.. هادشي لي قدرات تلمحو من الابيل وهو ينطق : فراسك قيمت

قسم : ههه سبحان الله مكانتش فراسي

عريف :فراسك فاش غانزل لمغرب غانفرع مك

قسم : هاو هاو هاو الله ياخويا مالي عندي النفق تحتي غا وحدة وحدة حتى نوصلو ليها

عريف : لا ازين وصلنا ليها.. ( رشف رشفة من الفنجان) وريني اش غا تلبسي باش نمشي ندوش

قسم :هي خارج؟

عريف : همم عندي واحد بريكول مع واحد الخليجي.. فكينا دابا

قسم ما بان ليها غير واحد سروال فالبيض ديال توب.. وقميجة قصيرا فالبلو سييل كتعكَد من لور.. وكتعطي واحد الجمالية..

عريف : لبسي نشوف واش دايزين ولالا

قسم :مالي فلونكيط تا تشوفهم واش دايزين ولالا سير سير خليني فحالي

عريف : هانا رآه هضرت لا بغيتي تلقاي اصل مي عندك فبيتك ديري لي قاليك داك الخانز تاع راسك

قسم (هزات تيلفون باش تقطع) : حبيبة شبعت بالهضرا.. باي باي ( لوحات بيديها وقطعات)

#يتبع