المارشال (متوقفة حاليا )

البارت : 45

۞  ما خلــف ستار العشق  ۞

📌: 𝐂𝐡𝐚𝐝𝐢𝐚_𝐚𝐫𝐢𝐟

♟️لســــتُ عظِــــيم ، لَكـِـــــن أترك بكِ آثــــــــراً لـاَ يُنسَـــى♟️

                              البـــــارت :  45. #

سدات الباب بشوياا وعينيها عليه قرب ليها.. كان الدخان خارج ليه من ودنيه.. كيحس براسو حمااار فهاد الوقت واكبر حمار بنتو لي كظل عايشا معاه و خطواتها كيكون هو لي راسمهم ليها وتجي دابا دوز عليه هاد القالب خايبا بزاف ..

شدها من ذراعها خابطها مع الحيط.. و نزل عليها بزوج تصرفيقات خلاوها ترعف.. غرس ليها صباعو الرجوليين فخذوذها الرطبين حتى تطراساو

حيدر ( كاز على لسانو) :  فييين كنتيييي

قسم ( شادا على نيفها وكترعد) : ب.. بابا كنت مع صاحبتي

حيدر ( جرها من شعرها بجهد) : صاااااحبتك كتشلقممممك هضرررري

قسم(شافت فيه وكَاع الألوان دازو فيها) : بابا غير نفهمك أبابا

حيدر ( شدها من فكها بقوة) : اري نمرتو وغاطلعيييي لبيتك تغبري عليا كماااااارتك

جبدات تيلفونها كتفيبري غير بوحدها عطاتو نمرة.. وهو يهز تيلفونها حتى الفوق خابطو مع الأرض ودخل للصالة مخليها وراه

قسم شدات على الحيط  وبقات كتمشا بشويا.. لمحات ماماها نازلا بغات تمشي عندها وهي تحبسها قبل ما توصل

مريم (مادا يديها قدامها بمعنى وقفي فبلاصتك) : درتيها لراسك ايوا حليها راسك

قسم ( كتنخصص بغات غير شي صدر تحط عليه رأس) : م. ماما حرام عليك.. هو لا دارها جات معاه ولكن نتي ( مسحات دم لي على نيفها) هو مغاديش نتقلق منو حينت عتبارني بنتو من دمو ولحمو ولكن نتي نتي علاش كديري ليا هكذا علاااااااش عمرك عبرتيني واااش كاينا اصلا لا انا لا ليث عمرك عبرتينا

مريم (غوتات) : هيييييه سيريييي لبيتك وبكي حتى تشبعيييي

نزلات عندو مخليا روح بنتها على الحضيض.. وصلات لبيتها سدات عليها بساروت و كملات ليلتها فتنواح..

دخل لدار ماعقلش على راسو.. الكسدة كاينا وحتى الهضرة شويا ثقيلة  ولكن العقل غايب مع لادروكَ.. شاف فيه كيفاش جاي وحوايجو حالتهم .. و عينيه باقين حمرين..

حيدر ( طفا تليفونو وناض عندو) : فين كنتي يوماين هااادي

ليث ( شاد فراسو بزز وكيشوف من باه ثلاثة) : كنت مع صحابي مسافرين

حيدر : إييييه مسااافرين وانا بنت لمك كنشطح هنااااا ( شدو من الكول ديالو).. اششش كندير انا هنااا

ليث ( بحالا فيقاتو ديك شدة) :و الواليد واش انا صغير؟؟ (حط يديه على يد باه) نعل شيطان

حيدر ( دفعو بجهد على الحيط و ضار شاف فمريم) : شفتي تربيتك واااااش شفتيهاااااا.. ( قرب ليها هاز صبعوووو قدامو)  قسمااا باالله بالله ا مريم ونعرف ولدي كيتدروكَا ونتي ما جايبا خبار حتى نطلقك سمعتتتتتيييييي( ضرب فالحيط) غاااطلقييييي

طاحت ليه مريم على رجليه متشبتة بيها وتبكي :لا عفاك عفاك ا حيدر إلا هادي عفاك ما تجبدهاش على فمك عفاك ما نقدرش نعيش بلا بيك

حيدر ( تحنى لمستواها ونطق بسخرية) :  مايبقاش فيك هادشي قد ما خاص يبقااااو فيك ولادك وتحضني عليهم  ..

بغا يكمل هضرتو ولقا راسو نفس سيناريو كيتعاودمعاها. . مشا هز تجاكيط ديالو وتيلفَونو وهو يخرج مخليها ليهم

#يتبع