المارشال (متوقفة حاليا )

البارت : 39

۞  ما خلــف ستار العشق  ۞

📌: 𝐂𝐡𝐚𝐝𝐢𝐚_𝐚𝐫𝐢𝐟

♟️لســــتُ عظِــــيم ، لَكـِـــــن أترك بكِ آثــــــــراً لـاَ يُنسَـــى♟️

                              البـــــارت :  39. #

خرجات من عندها وهي طير عليها نجود بالأسئلة : امضرا ابنتي.. اش قالت ليك.. هضري قولي

بلقيس ( شدات عكازها على جنب وهي تجلس طلقات تأوهات دالين على العيا ) : خالتي نجود بنتك صافاااا غير نتوما لي باغين تحمقوها.. انا لي عارفا هداك معامن طاحت واحد وجه النحس وانا لي غانجيب ليها الدليل ديالها.. ونصيفطوه فين يتربااااا

نجود ( طاحت على الكرسي مختال توازنها) : الله ياربي على بنيتيييي الله ياربي

شداتها زهرة وبلقيس لي تقصحات فرجليها : خاااالتيييي تهدني عفاك..

جلسات حداها زهرة .. كتحاول تخدها وفنفس الوقت خدات قرعة ديال الما من صاكها حتى بدا تيلفون بنتها كيصوني.. شافت شكون وهي تنوض بزز مقنتة

بلقيس : ( شادا بيد عكازها واليد الأخرى تيلفونها). : ألوووو

سمعات غير أنفاسو الرجولية ولا من مجيب .. قالت يمكن داز ليه الخط ليا.. يلاه بغات تقطع وهو يحبسها :  شنو واقع لصاحبتك

صدمة ولا في العمر.. تا لهادي وبزاف ضورات رأسها كتشوف واش شي واحد مقابلها.. والو غير هي ومها ونجود لي كاينين اصلا كانت العشا دوات والزيارة سالات مع الخمسة يعني مدة هادي..

بلقيس ( بلعات ريقها) : ص.. صاحبتي.. صاحبتي واقع ليها واحد المشكل

حيدر ( خشا يديه ليسرا فشعرو كيمسدو) : هممم.. ونتي اش غادي ديري زعما

بلقيس ( بحالا كليكا عليها نيت) :  هاد سيد باغي يخرج على امة محمد.. خاص لي يوقفو عند حدوووووو

حيدر ( ببحة رجولية) : ديجا قلت ليك مايصلاحش ليك.. بقاي حدا مك حتى نجي

قطع عليها مخليها كتبرق فعينيها.. وداكشي لي دارت نيت جلسات حدا مها حتى تشوف فين غاتوخر هاد الحريرة

#يتبع