المارشال (متوقفة حاليا )

البارت : 30

     ۞  ما خلــف ستار العشق  ۞

📌: 𝐂𝐡𝐚𝐝𝐢𝐚_𝐚𝐫𝐢𝐟

♟️لســــتُ عظِــــيم ، لَكـِـــــن أترك بكِ آثــــــــراً لـاَ يُنسَـــى♟️

                                 البـــــارت :  30. #

رجعات من عند باباها خايفا عليه.. قلب البنت هشيش وخصوصا تجاه الاب فمن الطبيعي انها تخاف عليه.. ولي زايد من خوفها انه ماماها مامعبراهمش كل نهار ضوران شري هادي لوح هادي ماعمرهم حسو بداك الحنان الكامل غير لا هداها الله وصافي كلشي لأمينة المربية ديالهم.. وحيدر لا جلس معاهم

واخا كان مقصر معاهم إلا أنه نهار لي كيجلسو معاه بحالا كيداوي الجروح ومامخليهم مخصوصين من والو. ويا ويلك تجبدهم بالسوء

تنهدات حتى شافت تيلفونها كيفيبري.. بتاسمات فاش شافتو هو لي كيتصل : الوووو مون بيبي داموغ

عريف ( قهقه برجولية) : كيفك شلونك يا روح كَلبي

قسم : لا نيت قول كلبي ماشي كَلبي يعملو يعضك من داك سفود لي تحتك

عريف : وهياااا ناري وباش نحويك انا؟؟

قسم : ناري يا خويا شحال مكبوووووب

عريف : ايه خسارة مكنتش تما باش تعرفي الخوت علاش قادين.. الله يخوي ليك ضلوع بشي عصا

قسم : احح ولا من عندك زعما.. خلاص كملات..

عريف :  تا شوف ليك هاد السبسي تعلمات توحوح.. حتى نرجع لمغرب ونشوفو واش غادي  تبقاي عليه ولا تشدك لقوة

قسم : ياودي غير سايس تا انت ( تنهدات). عريف بابا مريض خايفا عليه

عريف : اواااه مالووو

قسم : والله ماعرفتش مالو .. وانت عارف بابا تكون فيه الموت والله لا خلاك شفتيه

عريف ( تنهد بقلة حيلة) : حاولي معاه لعل وعسى يخليك تشوفيه.. انا نخليك دابا نضور لبنت الخوادرية شحال هذا ما هضرتش معاها... وحاولي عليك وعلى باباك

ومات ليه قسم كأنو كيشوفها وهي تقطع.. بينما عريف دوز الخط لبنت ختو

عريف : الفنكوشة ديال خالها

بقليس : لا بلاتي شي يهودي مات فالضورة.. كتغبر يا خويا تقول خدام مع المافيا

عريف : وراه هاد الخليجيين تقول أودي بحالهم كيخرجو منك زيت ديال ولادك

بلقيس : اودي يا ودي خالي زعما خاصني نتعلم منو الاحترام

عريف ( ضحك بصوت عال) : مكاين بوووو إحترام.. تي فين مك عطيني نهضر معاها..

بلقيس مدات عويناتها لباب ديال صالون بانت ليها تاهي كتهضر فتيلفون : رآها كتهضر فأبيل بقا معايا علا ما تجي

كانت زهرة واقفا فالباب وكتهضر فتيلفونها : لا اسي ناصر بلا ما تعذب راسك.. غير تهريسة عاديا بلا منعدبوك

ناصر : مكاين عذاب.. رآه اصلا فالطريق انا وخويا غانجيو نطلو ونمشيو.. طبعا لا معندكش مانع

حيدر شاف فيه كيفاش فاش ضور ليه قاليه يلاه معايا لوزين  إيغجونص.. ودابا كيرطب الهضرة مكرهش يهبط عليه ولكن مطمر وشاد راسو

رجع راسو لور فاش عرف بلي غادين عندها وكيهضر غير بينو وبين راسو : نلعبو شويا المطرمة.. لعل نساو صداع الراس

بقا هضرة دي هضرة غير هو واحد مع زهرة والآخر مع راسو.. حتى وصلو لباب دار..

#يتبع