المارشال (متوقفة حاليا )

البارت :14

۞ ما خلــف ستار العشق ۞

📌: 𝐂𝐡𝐚𝐝𝐢𝐚_𝐚𝐫𝐢𝐟

♟️لســــتُ عظِــــيم ، لَكـِـــــن أترك بكِ آثــــــــراً لـاَ يُنسَـــى♟️

البـــــارت : 14. #

مع تمو خارجين من الباب ديال السبيطار .. كانت شادا فماماها ولي دايز لايح عينيه على سالفها وعينيها الكبار بلا ما نهضرو على داك الخير لي هازاه وراها.. والذكور مكيتحركو لجهة النسا غير لشهوتهم

بينما ضياء كانت شادا صاك ديال زهرة لي فيه حاجيات ديالها حتى وقفات عليهم بورش اخر مكاين.. كلهم عقدو حواجبهم باغين يتخطاو طوموبيل حتى نزل ناصر منها

ناصر : (كيحل التجاكيط ديالو) سلام عليكم.. مدام زهرة كي بقيتي لباس عليك

زهرة حدها ومات ليه بينما استأنفات بنتها الكلام : سي ناصر خليناك على خير هاد ساعة

ناصر : (كيطلف الجو) وجينا حتى لهنا وتمشيو هكذا لا مجاتش طلعو نوصلكم

ضياء شافت فيهم خصوصا ديك شاعلة لي معاهم غاترفض وهي تزرب عليهم : ايه ايه شكرا اسي ناصر خالتي زهرة نيت عيات شحال قدنا نتسناو طاكسي

خنزرو فيها بزوج بينما هو حل ليها الباب القدامي
مطلعها حداه وحل للبنات الباب لوراني د طوموبيل
مسافة طريق حتى وصلو قدام الدار وزهرة مجاتش وصلها ويمشي هكداك كيبقا فالاخير هو عتقها وزاد مادار معاها غير الخير

زهرة : مرحبا بيك عندنا.. شرب شي كأس ديال اتاي

ناصر : مرة خرا إن شاء الله

زهرة : (كتكح بشويا) ومجاتش ترضها ليا فوجهي اسي ناصر

شاف فيها وفالبنات لور وهو يومي ليها نازل معاها.. والكاميرات من شراجم خدامين كيصكانيو ديك طوموبيل.. والمقصود ماشي الكاميرات.. عارفينها ساوية الثمن ولكن ديالمن وعلاش وقفات قدام ديك دار بالضبط

نزلو البنات هوما لولين والهمسات غير ما زادو اما زهرة جات تشد فيها بنتها ولكن زرب عليها ناصر لي شدها من ذراعها لاوي يديه على خصرها واليد الأخرى فيديها مسندها عليك

مكاينش لي قالها زوينة فيها حدهم باركين كيقولو هذا راجلها دارت حتى دارت وجابتو بخيرو وخميرو

دخلو وهوما يلقاو دار صاقلة عرفوهوم مكاينينش.. زهرة تنهدات براحة وضياء وبلقيس كيشوفو فيعضياتهم.. وصلو معاهم حتى لصالون وناضو يتعاونو على ما يحطو لضيفهم وفنفس الوقت بلقيس خدامة كتنقل الأحداث لي وقعو معاها فهاد الايام

بلقيس : (جبدات تعميرة ديال أتاي من البلاكار) اوا نتي كي درتي حتى تقبلتي ياك قالو بلي الملف ديالك تجلا

ضياء : اه هو بصح تجلا ولكن فاللخر راه بان وهاني معاك انا وياك ازين ما تفرقنا غير الموت

ضحكات الأخرى بصوت انثوي وهي كتشلل اتاي باش تحطو على البوطة يتشحر

ضياء : زين خالتي فالدوار دايرا عرس لولدها فهاد العطلة د سيمانا لي جايا تمشي معايا ازين

بلقيس ( تنهدات) : على الراس َو العين ولكن راك كتشوفي كلشي قدامك منخليش ماما بوحدها وخاصني نخرج نقلب على خدمة يلاه نصوفي رأسي

ضياء : وغير يلاه تا انتي عفاك وخالتي حتى هي تمشي معانا

بلقيس : واش غير اجي وسير فين الكاضو فين التكاشط وزيد .. مرة أخرى حتى تفوت المناسبة ونمشي نبارك ليها غير سمحيليا

تنهدات صاحبتها وهي تكمل شغلها بينما ناصر هادشي كلو سمعو فاش ناض يغسل يديه ورجع حدا زهرة بحالا مكاين والو.. ساكت بحالا راه ما سمع والو اصلا

#يتبع

انا غانحبس هنا.. وهاد الهضرة اه غانحبس هنا طلع تفاعل غانرجع هاد المدة مارجعش ميعادنا العام جاي لا ساليت ونرجع نكملها ليكم.. هذا كلامي.. و أي وحدة غا تقوليا لا هكذا كتهربي القراء علاش هوما اصلا كاينين انا قلت هضرتي ونتوما تعرفو ✨✨